ភ្នំពេញៈ រថយន្តកាមេរីបាទ្បែនមួយគ្រឿង ជិះក្នុងល្បឿនលឿន បានរេចង្កូតទៅបុកក្បាលនាគចែកទ្រូងផ្លូវដួលអស់១កង់ និងមួយកង់ទៀតវៀច បណ្តាលឲ្យរថយន្តខ្ទេចផ្នែកខាងឆ្វេងនៃរថយន្ត ។

ហេតុការណ៍នេះបានកើតទ្បើងកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៤ ខែកញ្ញា ឆ្នាំ២០១៧ ស្ថិតនៅតាមបណ្តោយផ្លូវ ម៉ៅសេទុង ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ (មុខស្ថានទូតទ្បាវ) ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តម៉ាកកាមរីបាទ្បែនមួយគ្រឿង ពណ៌ស ពាក់ស្លាកលេខ ភ្នំពេញ 2AE-9027 បើកបរដោយបុរសម្នាក់វ័យប្រហែលជា២០ឆ្នាំ ទិសដៅពីលិចទៅកើតដោយសារតែរថយន្តនោះបើកបរក្នុងល្បឿនលឿនពេក លុះមកដល់ចំណុចកើតហេតុ ក៏ជ្រុលទៅបុកក្បាលនាគចែកទ្រូងផ្លូវដួលរលំអស់ចំនួនមួយកង់ និងមួយកង់ទៀតរាងវៀច ចំណែករថយន្តរងការខូចខាតខាងមុខផ្នែកខាងឆ្វេងនៃរថយន្តតែសំណាងល្អមិនបង្កឲ្យអ្នកណាម្នាក់រងរបួសទេ ។

ក្រោយពេលកើតហេតុសម្ថកិច្ចប៉ុស្តិ៍ទន្លេបាសាក់ក៏បានមកដល់ទីកន្លែងកើតហេតុ និងបានទាក់ទងទៅសមត្ថកិច្ចក្រុងដើម្បីឲ្យយករថយន្តស្ទូចទៅស្នងការដ្ឋាននគរបាលរាជធានីភ្នំពេញដើម្បីរង់ចាំការដោះស្រាយនៅពេលក្រោយ៕