ភ្នំពេញៈ បុរសម្នាក់ស្រវឹងធ្លាក់ភ្នែក បើករថយន្តម៉ាកសឺដេសមួយគ្រឿង បោះពួយយ៉ាងលឿងដូចហោះ ខណៈពេលមកដល់ផ្លូវបំបែក បត់មិនទាន់ក៏ជ្រុលចង្កូតទៅបុករនាំងសង្ក័សីដែលគេដាក់ដ្ឋានសំណង់របស់ក្រុមSCG បង្កឲ្យមានការភ្ញាក់ផ្អើលយ៉ាងខ្លាំង។

ហេតុការណ៍នេះបានកើតឡើងកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៤ ខែកញ្ញា ឆ្នាំ២០១៧នៅត្រង់ចំណុចទល់មុខស្ថានីយ៍បូមទឹកត្រឡោកបែក តាមបណ្តោយផ្លូវ៥៩៨ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

រថយន្តបង្កម៉ាកសឺដេស ពណ៌ខ្មៅ ពាក់ស្លាកលេខ ភ្នំពេញ 2P-2185 មិនស្គាល់អត្តសញ្ញាណអ្នកបើកបរ ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញ រថយន្តបង្កខាងលើបើកបរតាមបណ្តោយផ្លូវ៣១៧ ក្នុងទិសដៅពីកើតទៅលិចក្នុងល្បឿនយ៉ាងលឿនដូចហោះ លុះដល់ចំណុចកើតហេតុដែលជាផ្លូវបំបែករថយន្តបង្កបម្រុងនឹងបត់ឆ្វេងទៅផ្លូវ៥៩៨ តែបួងចង្កូតមិនទាន់ក៏ជ្រុលទៅបុកនឹងរនាំងសង្ក័សីដែលគេដាក់បាំងការដ្ឋានសំណង់របស់ក្រុមហ៊ុន SCG បណ្តាលឲ្យបាក់ខូចខាតទាំងស្រុង។ ចំណែកឯរថយន្តរងការខូចខាតកំពិតផ្នែកខាងមុខយ៉ាងដំណំ ហើយភ្លាមនេះអ្នកបើកបររថយន្តបង្កបានបើកទាញទ្វារថយន្តរត់គេចខ្លួនបាត់ស្រមោល។

ក្រោយពេលកើតហេតុសមត្ថកិច្ចជំនាញក៏បានចុះមកធ្វើការស្ទូចយករថយន្តបង្កទៅរក្សាទុកនៅស្នងការដ្ឋាននគរបាលរាជធានីភ្នំពេញដើម្បីរង់ចាំម្ចាស់រថយន្តចូលខ្លួនមកធ្វើការដោះស្រាយនៅពេលក្រោយ៕