កណ្តាល: តាមសមត្ថកិច្ច បានឲ្យដឹងថា កាលពីវេលាម៉ោង៨ ព្រឹកថ្ងៃទី១៩ ខែកញ្ញា ឆ្នាំ២០១៧ មានករណីបុរសស្រវឹងស្រាម្នាក់ បានលង់ទឹកស្លាប់ នៅចំណុចបែត្រីភូមិរកាកោង ឃុំរកាកោងទី១ ស្រុកមុខកំពូល ខេត្តកណ្តាល។

ជនរងគ្រោះឈ្មោះ វៀង យ៉ាំងកាវ ភេទប្រុស អាយុ៤៧ឆ្នាំ ជនជាតិវៀតណាម រស់នៅភូមិរកាកោង ឃុំរកាកោងទី១ ស្រុកមុខកំពូល ខេត្តកណ្តាល មុខរបរនេសាទត្រី។

តាមសមត្ថកិច្ច បានប្រាប់ឲ្យដឹងថា មុនពេលកើតហេតុជនរងគ្រោះ បានផឹកស្រាម្នាក់ឯង លើបែត្រីឈ្មោះ ផាម យ៉ាំងវី អតីត(ឪពុកក្មេក) ជនរងគ្រោះផឹកស្រាររួច បានយកថ្នងដូសត្រី ក្នុងបែផាមយ៉ាំងវី ពេលនោះឈ្មោះខា ម៉ៅ កម្មករផាមយ៉ាំងវី នៅជិតនោះឃើញ ក៏បាននិយាយប្រាប់ជនរងគ្រោះថា ពូកាវស្រផឹងស្រាហើយ កុំយកថ្នងទៅដូសត្រីអី ចាំពូកាវឯងស្វាងស្រាចាំដូសត្រីទៅ តែជនរងគ្រោះមិនស្តាប់ ក៏ចុះក្នុងបែដើម្បីដូសត្រីក្នុង
បានប្រហែល៣០នាទីឈ្មោះខាម៉ៅ រកមើលជនរងគ្រោះមិនឃើញ ក៏ស្រែកសួរឈ្មោះផាមយ៉ាំងវីម្ចាស់បែថា មានឃើញពូកាវឡើងលើគោកទេ។ ហើយភ្លាមនោះ ក៏បានឆោរឡោរចុះទៅរាវរកក្នុងបែត្រី ក៏បានឃើញជនរងគ្រោះស្លាប់ក្នុងបែត្រីបាត់ទៅហើយ បន្ទាប់មកទើបស្រង់មកដាក់លើគោក។

នៅពេលទទួលបានព័ត៌មានភ្លាម សមត្ថកិច្ចប៉ុស្តិ៍បានសហការជាមួយផ្នែកជំនាញ និងអជ្ញាធរមូលដ្ឋាន ចុះធ្វើការពិនិត្យសាកសពឃើញថា នៅលើខ្លួនសាកសព ពុំមានស្លាកស្នាមអ្វីឡើយ ទើបសន្និដ្ឋានថា ជនរងគ្រោះ ពិតជាស្លាប់ដោយសារលង់ទឹកប្រាកដមែន ហើយសាកសពត្រូវបានប្រគល់ជូនឈ្មោះផាម យ៉ាំងវី ធ្វើបុណ្យតាមប្រពៃណី៕