ព្រះសីហនុ: លោកវរសេនីយ៍ឯក អ៊ី សុខា ស្នងការរងទទួលបន្ទុកផ្នែកចរាចរណ៍ខេត្តព្រះសីហនុ បានប្រាប់ Post News ថា កាលពីវេលាម៉ោង ០៨ និង៣០នាទីព្រឹកថ្ងៃទី១៩ ខែកញ្ញា ឆ្នាំ២០១៧ មានមានករណីគ្រោះថ្នាក់ចរាចរណ៍មួយ បង្កទ្បើងដោយខ្លួនឯង បានបណ្ដាលឲ្យស្លាប់បុរសម្នាក់ភ្លាមៗនៅនឹងកន្លែង ស្ថិតនៅលើផ្លូវជាតិលេខ៤ ត្រង់ចំណុច មុខកន្លែងក្រឡុកស៊ីម៉ងត៍ SCG ស្ថិតនៅក្នុងភូមិ2 សង្កាត់លេខ1 ក្រុងព្រះសីហនុ ខេត្តព្រះសីហនុ។
ម៉ូតូបង្កម៉ាក HONDA CLICK ពណ៌ក្រហម ពាក់ផ្លាកលេខភ្នំពេញ1AP-2126 បើកបរដោយឈ្មោះ ZHU LI JUN ភេទ ប្រុស ឆ្នាំកំណើត 04-Jan-1972 ជនជាតិ ចិន កាន់លិខិតឆ្លងដែនលេខ EI6033081 មានសុពលភាព 07-05-2024 ធ្វើការងារនៅរោងចក្រស្បែកជើង ញ៉ូវ ស្តារ ស្នាក់ នៅក្នុងក្រុម២ ភូមិ១ សង្កាត់លេខ១ ក្រុងព្រះសីហនុ បានបើកបរក្នុងទិសដៅពីខារ៉ាអូខេសៀង ហៃ ឆ្ពោះទៅរោងចក្រញ៉ូវស្តារ លុះដល់ចំណុចខាងលើ ក៏បានរ៉េចង្កូតធ្លាក់ផ្លូវទៅបុកនឹងលូ បណ្ដាលឲ្យស្លាប់ខ្លួនឯងនៅនឹងកន្លែងកើតហេតុតែម្ដង។
តាមប្រធានរដ្ឋបាលរោងចក្រញ៉ូវ ស្តារ បានប្រាប់ឲ្យដឹងថា «មុខពេលកើតហេតុជនរងគ្រោះខាងលើ បានផឹកស្រាបៀរ នៅក្នុងរោងចក្រលុះដល់វេលាម៉ោង ៨យប់ ក៏បានបបួលគ្នាទៅច្រៀងខារ៉ាអូខេ នៅខារ៉ាអូខេសៀងហៃ រហូតដល់ម៉ោងប្រមាណ១០ យប់ បានចេញពីខារ៉ាអូខេ ឆ្ពោះទៅរោងចក្រញ៉ូវស្តារ វិញ តែបាត់ដំណឹងតែម្ដង រហូតដល់ថ្ងៃនេះ ទើបខាងរោងចក្រដឹងដំណឹងថាជនរងគ្រោះ បានជួបគ្រោះថ្នាក់ចរាចរណ៍ស្លាប់»។
បច្ចុប្បន្នសាកសព ត្រូវបានសមត្ថកិច្ចជំនាញធ្វើកំណត់ហេតុ រួចប្រគល់ជូនទៅតំណាងរោងចក្រញ៉ូវស្តារ ដើម្បីចាត់ចែង រីឯវត្ថុតាង ម៉ូតូ០១គ្រឿង បានយកមករក្សាទុកនៅការិយាល័យនគរបាលចរាចរណ៍ផ្លូវគោក៕
//youtu.be/ExMCWa1VxZM
មតិយោបល់