តាកែវៈ មានករណីគ្រោះថ្នាក់ចរាចរណ៍មួយកើតឡើង រវាងរថភ្លើងបានបុកជាមួយនឹងសត្វគោ បណ្តាលឲ្យងាប់មួយរំពេច។

ហេតុការណ៍នេះកើតឡើងនៅម៉ោង១និង២២នាទី រសៀលថ្ងៃទី២២ ខែកញ្ញា ឆ្នាំ២០១៧ នៅលើផ្លូវរថភ្លើងចន្លោះគីឡូម៉ែត្រ៤២-៤៣ ត្រង់ចំណុចភូមិពានមាសខាងកើត ឃុំលំពង់ ស្រុកបាទី ខេត្តតាកែវ។

គ្រោះថ្នាក់នេះកើតឡើងបន្ទាប់ពីរថភ្លើង បើកមកពីទិសខាងត្បូង បានបុកគោសម្បុរស ដែលមានម្ចាស់ឈ្មោះ ស្នន ភា ភេទប្រុស អាយុ៣៥ឆ្នាំ នៅភូមិពានមាសខាងកើត ឃុំលំពង់ ស្រុកបាទី ខេត្តតាកែវ បណ្តាលឲ្យងាប់នៅនឹងកន្លែងតែម្តង៕