តាកែវៈ គ្រោះថ្នាក់ចរាចរណ៍មួយ រវាងម៉ូតូវ៉េវ បានបុកជាមួយរថយន្តម៉ាកហ៊ីយ៉ាន់ដាយ បណ្តាលឲ្យកងខេមរភូមិន្ទម្នាក់រងរបួសធ្ងន់ ត្រូវបានបញ្ជូនទៅមន្ទីរពេទ្យ។

គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០យប់ ថ្ងៃទី២៤ ខែកញ្ញា ឆ្នាំ២០១៧ ស្ថិតនៅលើផ្លូវជាតិលេខ៣ បង្គោលគីឡូម៉ែត្រ៤៩-៥០ ភូមិរូង ឃុំក្រាំងលាវ ស្រុកបាទី ខេត្តតាកែវ។

ម៉ូតូម៉ាកហុងដាសេ១០០វ៉េវ ពណ៌ខ្មៅ ពាក់ស្លាកលេខ កំពង់ចាម 1E-២៧៥៣ បើកពីជើងទៅត្បូង ដោយឈ្មោះ រស់ ប៉ូឡា ភេទប្រុស អាយុ៣២ឆ្នាំ មុខរបរក្នុងខេមរភូមិន្ទ ស្នាក់នៅភូមិសំរោងជើង សង្កាត់សំរោង ខណ្ឌព្រែកព្នៅ បុកជាមួយរថយន្តហ៊ីយ៉ាន់ដាយ ពណ៌សលាយក្រហម ស្លាកលេខ ភ្នំពេញ 3B-2046 ទិសដៅពីជើងទៅត្បូង ចតនៅលើចិញ្ចើមផ្លូវផ្នែកខាងលិច បើកបរដោយឈ្មោះ ផល សុភក្ត្រ ភេទប្រុស អាយុ៣១ឆ្នាំ ជាអ្នកបើកឡាន ស្នាក់នៅភូមិព្រែកជ្រៃ ឃុំព្រែកឬស្សី ស្រុកល្វាឯម ខេត្តកណ្តាល បណ្តាលឲ្យរបួសធ្ងន់ខ្លួនឯងតែម្តង៕