ភ្នំពេញៈ មុននេះបន្តិច សមត្ថកិច្ចខណ្ឌចំការមន បានធ្វើការដេញតាមឃាត់ខ្លួនជនសង្ស័យម្នាក់ ដែលជាសិស្សវិទ្យាល័យបឹងកេងកង ក្រោយពីជនសង្ស័យរូបនេះនឹងបក្ខពួក បានធ្វើសកម្មភាពឆក់កាបូបពីស្ត្រីឈ្មោះ ឈៀង សុភី ជាគណៈកម្មាធិការជាតិយូនីស្កូរកម្ពុជា ដែលកំពុងដើរតាមដងផ្លូវ តែមិនបានសម្រេច បណ្តាលឲ្យគាត់ដួលរបួស។

ហេតុការណ៍នេះកើតឡើងកាលពីវេលាម៉ោង៣និង៣០នាទីរសៀល ថ្ងៃទី៤ ខែតុលា ឆ្នាំ២០១៧ ស្ថិតនៅចំណុចម្តុំវិមានឯករាជ្យ ក្នុងខណ្ឌចំការមន ហើយខណៈនេះសមត្ថកិច្ចកំពុងបន្តតាមចាប់បក្ខពួកម្នាក់ទៀត។

ព័ត៌មានលម្អិតយើងនឹងផ្សាយជូនបន្តទៀត ក្នុងនោះក៏មានការឡាយនៅលើផេក Post News Media ផងដែរ៕