ព័ត៌មានជាតិ

ហាយឡែនឌ័រ បើកមិនមើលបុកម៉ូតូនៅខាងមុខពេញទំហឹង ស្លាប់ម្នាក់យ៉ាងរន្ធត់!

ក្រចេះ: ហេតុការណ៍គ្រោះថ្នាក់ចរាចរណ៍មួយបានកើតឡើង បន្ទាប់ពីមានរថយន្តម៉ាកហាយឡែនឌ័រ មួយគ្រឿង បើកបរខ្វះការប្រុងប្រយត្ន័ បានបុកជាមួយនឹងម៉ូតូមួយគ្រឿងទៀតនៅខាងមុខពេញទំហឹង បណ្តាលឲ្យបុរសម្នាក់ស្លាប់យ៉ាងរន្ធត់នៅនឹងកន្លែង។

ហេតុការណ៍នេះកើតឡើងកាលពីរសៀលថ្ងៃទី៥ ខែតុលា ឆ្នាំ២០១៧ ស្ថិតនៅចំណុចផ្លូវជាតិលេខ ៧ ភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ ។

សមត្ថកិច្ចបានឲ្យដឹងថា បុរសដែលជាអ្នកបើកម៉ូតូដែលត្រូវរថយន្តបុកស្លាប់ខាងលើនេះមានឈ្មោះ គៀប សារ៉ាត់ ស្នាក់ភូមិស្នួលវត្ត ឃុំស្នួល ស្រុកស្នួល ខេត្តក្រចេះ។ ចំណែកអ្នកបើកបររថយន្តបង្ក បានចុះគេចខ្លួនបាត់ស្រមោល ។

ក្រោយកើតហេតុ សមត្ថកិច្ចចុះវាស់វែង នាំយកម៉ូតូនិងរថយន្តបង្កទៅរក្សាទុករង់ចាំធ្វើការដោះស្រាយគ្នាពេលក្រោយតាមផ្លូវច្បាប់បន្តទៀត។ ចំណែកសាកសពត្រូវបានសមត្ថកិច្ចប្រគល់ឲ្យក្រុមគ្រួសារធ្វើបុណ្យតាមប្រពៃណី៕

មតិយោបល់