តាកែវ: កាលពីវេលម៉ោង ២ រសៀលថ្ងៃទី៩ ខែតុលា ឆ្នាំ២០១៧ មានករណីគ្រោះថ្នាកើចរាចរណ៍មួយ បង្កទ្បើងដោយរថយន្ត បើកធ្លាក់ផ្លូវក្រទ្បាប់ដោយខ្លួនឯង នៅត្រងចំណុចស្រែឈ្មោះ ប្រាក់ តែម ភូមិរមេញខាងជើង ឃុំរមេញ ស្រុកកោះអណ្ដែត ខេត្តតាកែវ លើកំណាត់ផ្លូវលេខ ១២៩ E។

រថយន្តបង្កម៉ាក ហ៊ីយ៉ាន់ដាយ ពណ៌សទ្រុងខៀវ ពាក់ស្លាកលេខ តាកែវ3A.1011 បើបរដោយឈ្មោះ ណាំ បឿន ភេទប្រុស អាយុ ១៩ ឆ្នាំ រស់នៅភូមិសំរោង ឃុំធ្លក ស្រុកទ្រាំង ខេត្តតាកែវ បានស្លាប់នៅនឹងកន្លែងកើតហេតុ និងអ្នករួមដំណើរម្នាក់ទៀត ឈ្មោះ ពក ទិត្យ ភេទប្រុស អាយុ ៣៤ ឆ្នាំ រស់នៅភូមិដើមផ្ដៀក ឃុំព្រៃស្លឹក ស្រុកទ្រាំង ខេត្តតាកែវ បានទទួលរងរបួសស្រាល ត្រូវរថយន្តសង្គ្រោះដឹកទៅមន្ទីរបង្អែកស្រុកកោះអណ្ដែត ។

ដោយទ្បែកសាកសព ខាងសមត្ថកិច្ចបានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី រីឯរថយន្តវិញ សមត្ថកិច្ចបានដកហូតយកមករក្សាទុក នៅអធិការដ្ឋានស្រុកកោះអណ្ដែត ដើម្បីរងចាំការដោះស្រាយតាមនីតិវិធីច្បាប់៕