ភ្នំពេញ: បុរសវ័យចំណាស់ម្នាក់ ជាកម្មករអូសរទេះ ត្រូវបានក្មេងទំនើងមួយក្រុមព្រួតវាយបណ្តាលឲ្យបែកក្បាល រត់មកសម្ងំដេកនិងមានឈាមហូរស្រោចខ្លួនតាមផ្លូវឌឿងហែម បង្កការភ្ញាក់ផ្អើលដល់អ្នកជិតខាងនិងពលរដ្ឋចោមរោមមើល ។

ករណីហិង្សានេះកើតឡើងកាលពីវេលាម៉ោង១និង១៥នាទីរសៀល ថ្ងៃទី១០ ខែតុលា ឆ្នាំ២០១៧ ស្ថិតនៅតាមបណ្តោយផ្លូវ៣២៦ ក្បែររបងសាលាមតេយ្យមិត្តភាព សង្កាត់ផ្សារដើមគរ ខណ្ឌទួលគោក រាជធានីភ្នំពេញ។

ជនរងគ្រោះមានឈ្មោះ កែវ ឈីម ភេទប្រុស អាយុ៥៧ឆ្នាំ មុខរបរកម្មករអូសរទេះនៅម្តុំផ្សារនាគមាសនិងផ្សារដើមគរ ស្នាក់នៅមិនពិតប្រាកដ មានស្រុកកំណើតនៅស្រុកកំពង់ត្របែក ខេត្តព្រៃវែង ត្រូវបានក្រុមក្មេងទំនើងវាយឲ្យបែកក្បាល ហើយរត់មកសម្ងំដេកព្រមទាំងមានឈាមហូរស្រោចខ្លួនដែលក្រុមក្មេងទំនើងនោះចោទជនរងគ្រោះថាបានដណ្តើមម៉ូយអូសរទេះនៅផ្សារ ។

ប្រភពបានបន្តថា ក្រោយពីជនរងគ្រោះក្រុមក្មេងទំនើងវាយមកដេកនៅផ្លូវឌឿងហែម ត្រូវបានអ្នកជិតខាងប្រទះឃើញរាយការណ៍ជូននរគបាលប៉ុស្តិ៍ផ្សារដើមគរ ដើម្បីទំនាក់ទំនងរថយន្តមន្ទីរពេទ្យមកដឹកយកទៅសង្គ្រោះនិងព្យាបាលនៅមន្ទីរពេទ្យមិត្តភាពខ្មែរសូវៀត ។

សមត្ថកិច្ចប៉ុស្តិ៍មូលដ្ឋានបានបញ្ជាក់ប្រាប់ថា ករណីហិង្សានេះកម្លាំងជំនាញនិងធ្វើការសាកសួរជនរងគ្រោះឲ្យច្បាស់ស្រាវជ្រាវក្រុមជនបង្កយកមកផ្តន្ទាទោសទៅតាមផ្លូវច្បាប់ ៕

//youtu.be/ysp4yz9MVa8