ភ្នំពេញៈ ប្រជាពលរដ្ឋដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ មានការព្រួយបារម្ភយ៉ាងខ្លាំងទៅហ្គេមណេតដែរកំពុងតែរីកដុះ​ដាលពាស​ពេញ ពង្វក់ឲ្យកូនៗ និងចៅៗរបស់ពួកគាត់ភ្លេចអស់នូវការសិក្សា បាយទឹកហើយមានទីតាំងជាច្រើនដោយមានបើករហូតដល់ទៅ២៤​ម៉ោងលើ២៤​ម៉ោង និងមានបង្កប់នូវល្បែងស៊ីសងដូចជាចាក់បាល់ តាមអនឡាញទៀតផង។ ជាពិសេសនោះហ្គេមណេតដែលនៅតាមផ្លូវមុន្នីរ៉េតនិងផ្លូវបេតុង ក្នុងភូមិ​ឬស្សី ជិតនិងវត្តពោធិ៍ញ្ញាណកំពុងតែបង្វក់ក្មេងៗលេងយ៉ាងសប្បាយទៀតផង។

ប្រភពដដែលបានបន្ដទៀតថាទីតាំងមួយកន្លែងខាងលើនេះ បើកដំណើរការយ៉ាងរលូនហាក់បីដូចជាមិនខ្លាចញញើតអីបន្ដិចសោះឡើយ រហូតមកដល់​ពេល​នេះក៏ពុំទាន់ឃើញមានអាជ្ញាធរបានចុះបង្គ្រាបទីតាំងនេះនូវឡើយ ដូច្នេះហើយពួកគាត់គ្មានអ្វីក្រៅពីទទូច ក៏ដូចជាធ្វើការសំណូមពរដល់អាជ្ញាធរ​មេត្តាចុះជួយត្រួតពិនិត្យទៅលើទីតាំងណេត២៤ម៉ោងទាំងនេះផង។

គួរបញ្ជាក់ដែថាទីតាំងហ្គេមណេត២៤ម៉ោងលើ២៤ម៉ោងជាច្រើនកន្លែង នៅក្នុងសង្កាត់ស្ទឹងមានជ័យ កំពុងតែតំណើរការយ៉ាងរលូនដោយពុំដឹងថាមាន​ច្បាប់ឬឥតច្បាប់នោះ ហើយកន្លងមកនៅតាមហ្គេមនោះធ្លាបមានករណីកាច់កម៉ូតូបាត់ជាញឹកញាប់ នៅតាមទីតាំងហ្គេមណេតទាំងនោះ ម្យ៉ាងវិញ​ទៀតទីតាំងហ្គេមណេតទាំងនេះហាក់បីដូចជាកន្លែងមួយសម្រាប់ជនឆក់ឱកាសដែលបានធ្វើសកម្មភាពលួចឆក់រត់ទៅជ្រកទីកន្លែងនោះនិងប្រមូលផ្តុំជក់គ្រឿងញៀនផងដែរ ៕

https://youtu.be/22llgbGESaQ