តាកែវ: ជនសង្ស័យម្នាក់ ត្រូវបានសមត្ថកិច្ចចាប់ខ្លួន ក្រោយបានធ្វើសកម្មភាពប្រើហិង្សាវាយបំផ្លាញទ្រព្យសម្បត្តិ និងវាយប្អូនបង្កើតបណ្តាលឲ្យរងរបួស។

ហេតុការណ៍នេះបានកើតឡើងកាលពីវេលាម៉ោង ៦និង៣០នាទី យប់ថ្ងៃទី៣១ ខែតុលា ឆ្នាំ២០១៧ ស្ថិតនៅចំណុច ភូមិក្រសាំង ឃុំសន្លុង ស្រុកទ្រាំង ខេត្តតាកែវ។

សមត្ថកិច្ចបានឲ្យដឹងថា ជនសង្ស័យខាងលើនេះមានឈ្មោះ ឃួន សំណាង ភេទប្រុស អាយុ៣០ឆ្នាំ រស់នៅភូមិក្រសាំង ឃុំសន្លុង ស្រុកទ្រាំង ខេត្តតាកែវ មុខរបរកសិករ បានប្រើបន្ទះឬស្សី វាយមូតូនិងទូរទស្សន៍បណ្តាលឲ្យខូចខាតជាទ្រព្យក្នុងផ្ទះ នឹងវាយឈ្មោះឃួន ចិន្តា អាយុ២៨ឆ្នាំ រស់នៅក្នុងដំបូលតែមួយត្រូវជាប្អូនបង្កើតបណ្តាលឲ្យហើមមុខផ្នែកខាងឆ្វេងមួយកន្លែង។

ក្រោយពេលកើតហេតុ នៅវេលាម៉ោង៨យប់ថ្ងៃដដែល សមត្ថកិច្ចបានឃាត់ខ្លួនជនសង្ស័យឈ្មោះ ឃួន សំណាង និងដកហូតវត្ថុតាងដើម្បីកសាងសំណុំរឿងតាមនិតិវិធីតាមពាក្យបណ្តឹងរបស់ជនរងគ្រោះតាមច្បាប់បន្តទៀត៕