កណ្តាលៈ យ៉ាងហោចណាស់មានមនុស្សចំនួន៩នាក់បានរងរបួសធ្ងន់ និងស្រាលដោយសារមានរថយន្ត២គ្រឿងបានបុកគ្នាចំយ៉ាងពេញទំហឹងគួរអោយរន្ធត់។

ហេតុការណ៍ខាងលើនេះបានកើតឡើងកាលពីវេលាម៉ោង៥ និង១៥នាទីព្រឹក ថ្ងៃទី១ ខែវិច្ឆិកា ឆ្នាំ២០១៧ នៅលើដងផ្លូវជាតិ១ ចន្លោះគីឡូម៉ែត្រលេខ ៣៥/៣៦ ស្ថិតនៅភូមិជ័យឧត្តម ឃុំសំរោងធំ ស្រុកកៀនស្វាយ។

បើតាមប្រភពព័ត៍មានពីកន្លែងកើតហេតុបានឱ្យដឹងថា មុនពេលកើតហេតុមានរថយន្ត ១គ្រឿងម៉ាកNISSAN ពណ៌បៃតង សណ្តោងរ៉ឺម៉ក ពាក់ស្លាកលេខភ្នំពេញ3A.6555 (បើកបរមិនស្គាល់អត្តសញ្ញាណ) បានធ្វើដំណើរចេញពីអ្នកលឿងទៅភ្នំពេញលុះមកដល់ត្រង់ចំណុចកន្លែងកើតហេតុនិងខូចក៏ឈប់ស្រាប់តែមានរថយន្ត១គ្រឿងម៉ាកTOYOTASIENNA ពណ៌ទឹកប្រាក់ ធ្វើដំណើរ(ស្របទិសគ្នា)មកដល់ស្រាប់តែបានបុកចំពីក្រោយពេញទំហឹងបណ្តាលធ្វើឱ្យរងរបួសធ្ងន់ស្រាលចំនួន៩នាក់ប្រុសនិងស្រី។

លោក ហួត សីហា នាយប៉ុស្តិ៍សំរោងធំបានប្រាប់ឱ្យដឹងថា ក្រោយពីកើតហេតុកម្លាំងជំនាញផ្នែកចរាចរណ៍ស្រុកបានចុះមកធ្វើការវាស់វែងហើយបានបញ្ជូនជនរងគ្រោះទៅមន្ទីរពេទ្យដោយឡែករថយន្តទាំង២គ្រឿងអូសយកទៅរក្សាទុកនៅអធិការស្រុកដើម្បីបន្តនិតិវិធី៕