ព័ត៌មានជាតិ

ករណីហិង្សាដោយចេតនា បុរសម្នាក់ត្រូវសមត្ថកិច្ចឃាត់ខ្លួន

កំពង់ចាម: កម្លាំងអធិការដ្ឋាននគរបាលស្រុកចម្ការលើ បានចុះបង្រ្កាប ករណីហិង្សាដោយចេតនាមួយ បន្ទាប់ពីត្រូវបានលោក សោ សុតា ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ៧០០ ចុះថ្ងៃទី០៣ ខែវិច្ឆិកា ឆ្នាំ២០១៧ សម្រេចឃុំខ្លួនជនជាប់ចោទម្នាក់។

ករណីហិង្សានេះ បានកើតទ្បើងកាលពីថ្ងៃទី០១ ខែវិច្ឆិកា ឆ្នាំ២០១៧ នៅភូមិកសិដ្ឋាន ឃុំបុសខ្នុរ ស្រុកចម្ការលើ ខេត្តកំពង់ចាម ។

តាមសមត្ថកិច្ច បានឲ្យដឹងថា កាលពីថ្ងៃទី០១ ខែវិច្ឆិកា ឆ្នាំ២០១៧ កម្លាំងអធិការដ្ឋាននគរបាលស្រុកចម្ការលើ បានបង្រ្កាប និងធ្វើការឃាត់ខ្លួនជនម្នាក់ ឈ្មោះ សួង ឆៃរ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករ មានទីកន្លែងកំណើតនៅភូមិកសិដ្ឋាន ឃុំបុសខ្នុរ ស្រុកចម្ការលើ ខេត្តកំពង់ចាម និងអាស័យដ្ឋានបច្ចុប្បន្ន នៅភូមិកសិដ្ឋាន ឃុំបុសខ្នុរ ស្រុកចម្ការលើ ខេត្តកំពង់ចាម ។

បច្ចុប្បន្នជនជាប់ចោទ ត្រូវបានសមត្ថកិច្ចបញ្ជូនទៅឃុំខ្លួន នៅពន្ធនាគារខេត្តកំពង់ចាម រួចរាល់ហើយ នៅថ្ងៃទី០៣ ខែតុលា ឆ្នាំ២០១៧ ទៅតាមបញ្ញត្តិច្បាប់មាត្រា២១៨ នៃក្រមព្រហ្មទណ្ឌ៕

មតិយោបល់