សៀមរាប: លោកវរសេនីយ៍ទោ ទេព ពុំសែន អធិការនគរបាលស្រុកពួក បានប្រាប់ Post News ថា កាលពីវេលាម៉ោង ៨ និង៣០នាទីយប់ថ្ងៃទី០៤ ខែវិច្ឆិកា ឆ្នាំ២០១៧ មានករណីគ្រោះថ្នាក់ចរាចរណ៍មួយ រវាងរថយន្ត និងរថយន្ត បានបណ្ដាលឲ្យរងរបួសធ្ងន់ស្រាលមនុស្ស ៦ នាក់។

ហេតុការណ៍នេះ បានកើតនៅចំណុចផ្លូវជាតិលេច៦ ក្នុងភូមិ- ឃុំសសរស្តម្ភ ស្រុកពួក ខេត្តសៀមរាប ។

រថយន្តបង្ក ម៉ាកលុចស៊ិស៣០០ ពណ៌មាស ពាក់ស្លាកលេខ ភ្នំពេញ 2N-5785 បើកបរដោយឈ្មោះហុង ភិរម្យ ភេទប្រុស ស្នាក់នៅស្រុក ក្រឡាញ់ ខេត្តសៀមរាប បើកបរក្នុងទិសពីលិចទៅកើត បានបុកជាមួយរថយន្តលុចស៊ិស៣៣០ ពណ៌ស
ពាក់ស្លាកលេខ ភ្នំពេញ 2AQ-9332 បើកបរដោយ-ឈ្មោះធឹង ភារម្យ ភេទប្រុស ស្នាក់នៅស្រុកក្រឡាញ់ ខេត្តសៀមរាប ក្នុងទិសដៅបញ្រ្ចាសគ្នា
បានបណ្តាលឲ្យអ្នកជិះក្នុងរយយន្តលុចស៊ិស ៣០០ របួសមនុស្ស ៦ នាក់ (ធ្ងន់៣ និងស្រាល៣ នាក់) ចំណែកអ្នកជិះក្នុងរយយន្តលុចស៊ីស ៣៣០ របួសធ្ងន់ ២នាក់។

តាមសមត្ថកិច្ច បានឲ្យដឹងថា រថយន្តទាំង២គ្រឿង រងការខូចខាតយ៉ាងដំណំ ហើយមូលហេតុដែលបង្កគ្រោះថ្នាក់នេះ គឺដោយសារបើកបរលឿន ខ្វះការប្រុងប្រយ័ត្ន។

ក្រោយកើតហេតុកម្លាំងជំនាញ បានចុះវាស់វែង រួចកសាងសំណុំរឿង និងដកហូតវត្ថុតាងពាក់ព័ន្ធ មករក្សាទុកនៅអធិការដ្ឋាននគរបាលស្រុក
រីឯជនរងគ្រោះត្រូវបានសង្រ្គោះនៅមន្ទីរពេទ្យ៕