ភ្នំពេញៈ រថយន្តហាយឡែនឌ័រមួយគ្រឿង ចេញពីមន្ទីរពេទ្យអង្គឌួងមិនប្រយ័ត្ន ជ្រុលទៅបុករថយន្តឡង់គ្រីស័រ រងការខូចខាតផ្នែកខាងក្រោយរថយន្តទាំសងខាង អ្នកបើករថយន្តបង្កសងថ្លៃជួសជុលរថយន្តរងគ្រោះបញ្ចប់រឿង។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៩ និង១០នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៧ ស្ថិតនៅចំណុចទល់មុខមន្ទីរពេទ្យព្រះអង្គឌួង តាមបណ្តោយផ្លូវព្រះនរោត្តម ក្នុងសង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ។

រថយន្តបង្កម៉ាក ហាយឡែនឌ័រ ពណ៌ស ពាក់ស្លាកលេខ កែប2A 9992។ ចំណែករថយន្តរងគ្រោះម៉ាកឡង់គ្រីស័រG-X-R ពណ៌ខ្មៅ ពាក់ស្លាកលេខភ្នំពេញ2U 5301។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុរថយន្តបង្កបានថយចេញពីមន្ទីរពេទ្យព្រះអង្គឌួង តែខ្វះការប្រុងប្រយ័ត្នក៏ជ្រុលចង្កូតទៅប៉ះរថយន្តរងគ្រោះខាងលើ ដែលកំពុងចររាចរណ៍តាមបណ្តោយផ្លូវព្រះនរោត្តមទិសដៅពីជើងទៅត្បូង បណ្តាលឲ្យរបើកកាងខាងក្រោយផ្នែកខាងស្តាំ ចំណែករថយន្តបង្កបែកស្តុបក្រោយផ្នែកខាងឆ្វេងនិងរលាត់ថ្នាំខាងក្រោយ។

ក្រោយពេលកើតហេតុភាគីទាំងសងខាងចរចារគ្នាដោយភាគីអ្នកបើករថយន្តបង្កសុខចិត្តចេញថ្លៃប្តូរគ្រឿងបន្លះទៅរថយន្តរងគ្រោះដើម្បីបញ្ចប់រឿង៕

​