ព័ត៌មានជាតិ

ជនជាតិព័រទុយហ្គាល់ម្នាក់ លង់ទឹកស្លាប់ នៅទឹកធ្លាក់ភ្នំគូលែន

សៀមរាប: លោកអធិការស្រុកស្វាយលើ បានប្រាប់Post Newsថា កាលពីវេលាម៉ោង១២ និង១០នាទីថ្ងៃត្រង់ ទី១៤ ខែវិច្ឆិកា ឆ្នាំ២០១៧ បុរសជនជាតិព័រទុយហ្គាល់ម្នាក់បានលង់ទឹកស្លាប់ ខណ:ដែលរូបគេ និងប្រពន្ធបានកំពុងងូតទឹកធ្លាក់ភ្នំគូលែន។

យោងតាមការបំភ្លឺពីឈ្មោះ ឡេង ចិន្តា អាយុ៣៨ឆ្នាំ ស្នាក់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប មុខរបរមគ្គុទេសចរណ៍ បានប្រាប់ថា មុនពេលកើតហេតុ កាលពីវេលាម៉ោង១២ និង១០នាទី រូបគាត់បាននាំភ្ញៀវជនជាតិព័រទុយហ្គាល់ ២នាក់ប្តីប្រពន្ធដែលមានឈ្មោ: ANA MARIA RICADO RAIMUNDO DA SILVA និងLOUS FILIPE DA SILVA TEIXEIRA ទៅងូតទឹកនៅចំណុចទឹកធ្លាក់ភ្នំគូលែនជាន់ក្រោម ខណ:ដែលរូបគាត់បានអង្គុយមើលភ្ញៀវអស់រយ:ពេលជិត១ម៉ោង ហើយក៏បានមកហូបបាយ នៅហាងផ្កាចាន់ភ្នំគូលែន រួចទុកភ្ញៀវនៅទីនោះ លុះដល់ម៉ោង១២ និង៤០នាទី គាត់បានត្រឡប់មកមើលភ្ញៀវវិញ។

ប្រភពដដែល បានបញ្ជាក់ថា មុនពេលកើតហេតុ គេបានប្រាប់គាត់ថាមានភ្ញៀវស្លាប់ ហើយគាត់ក៏ទៅសួរប្រពន្ធ ទើបប្រពន្ធគាត់បា្រប់ថា នៅពេលដែលភ្ញៀវកំពុងងូតទឹកជុំគ្នា ក៏ស្រាប់តែស្រ្តីជនជាតិព័រទុយហ្គាល់ម្នាក់ បានឃើញប្តីលង់ទឹក ហើយក៏ស្រែកឆោឡោឲ្យគេជួយ តែជាអកុសល បុរសនោះបានឈ្លក់ទឹកស្លាប់បាត់ទៅហើយ។

ក្រោយកើតហេតុកម្លាំងប៉ុស្តិ៍រដ្ឋបាល និងអជ្ញាធរអប្សារាបានទាក់ទងសមត្ថកិច្ចទេសចរណ៍ ដើម្បីបញ្ជូនសាកសពទៅកាន់ស្រុកកំណើត៕

មតិយោបល់