ភ្នំពេញៈ បុរសវ័យប្រហែល២០ឆ្នាំជាងម្នាក់ បើករថយន្តម៉ាកហាយឡែនឌ័រ ក្នុងល្បឿនលឿនមកបុកក្បាលនាគចែកទ្រូងផ្លូវ ត្រង់ចំណុចផ្លូវបែកជាបួនពេញទំហឹង បណ្តាលឲ្យរលំអស់៣កង់ តែសំណាងល្អមិនបង្កឲ្យមានអ្នករងរបួស ។

ហេតុការណ៍នេះកើតឡើងកាលពីវេលាម៉ោង ១១និង២០នាទីយប់ថ្ងៃទី១៦ ខែវិច្ឆិកា ឆ្នាំ២០១៧ ស្ថិតនៅតាមបណ្តោយផ្លូវម៉ៅសេទុង កែងផ្លូវ ១៩៣ សង្កាត់ ទួលស្វាយព្រៃទី១ ខណ្ឌចំការមន រាជធានីភ្នំពេញ។

មុនពេលកើតហេតុគេឃើញបុរសម្នាក់បើករថយន្តម៉ាកហាយឡែនឌ័រ ពណ៌ទឹកមាសមួយគ្រឿង ពាក់ស្លាកលេខ ភ្នំពេញ 2AL-8452 ទិសដៅពីត្បូងទៅជើង មកដល់ត្រង់ចំណុចផ្លូវបែកជាបួន បត់ទៅលិចទៅតាមបណ្តោយផ្លូវម៉ៅសេទុងក្នុងល្បឿនលឿនពេក បួងចង្កូតមិនទាន់ក៏ជ្រុលទៅបុកក្បាលនាគចែកទ្រូងធ្វើឲ្យខូចខាតទ្រូងផ្លូវ៣កំណាត់ ហើយរថយន្តវិញខ្ទេចផ្នែកខាងមុខស្ទើរតែទាំងស្រុងនិងផ្ទុះពោងសុវត្ថិភាពតែសំណាងល្អមិនបង្កឲ្យមានអ្នករងរបួស ។

ក្រោយពេលកើតហេតុសមត្ថកិច្ចមូលដ្ឋានបានចុះមកដល់ទាក់ទងទៅសម្ថកិច្ចជំនាញចរាចរណ៍ក្រុងឲ្យមកវាស់វែងយករថយន្តបង្កនិងយកអ្នកបង្កទៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយទៅតាមនិតិវិធីច្បាប់ ៕

https://youtu.be/xkMqbKvKqMQ