តាកែវៈ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូ បណ្តាលឲ្យបុរសម្នាក់រងរបួសធ្ងន់។
ហេតុការណ៍កើតឡើងនៅវេលាម៉ោង៤ និង១៥នាទីល្ងាច ថ្ងៃទី១៧ ខែវិច្ឆិកា ឆ្នាំ២០១៧ នៅលើផ្លូវជាតិលេខ៣ ចន្លោះបង្គោលគីឡូម៉ែត្រ៣៩-៤០ ត្រង់ចំណុចភូមិផ្សារគុម្ពឬស្សី ឃុំតាំងដូង ស្រុកបាទី​ ខេត្តតាកែវ។

រថយន្តបង្កម៉ាក ហ៊ីយ៉ាន់ដាយ ពណ៌ស ពាក់ស្លាកលេខ កំពង់ចាម3A-4235 បើកបរពីជើងទៅត្បូង អ្នកបើកបររត់គេចខ្លួន បានបុកជាមួយម៉ូតូ វ៉េវ អាល់ហ្វា ពណ៌ខ្មៅ គ្មានស្លាកលេខ សណ្តោងរម៉ក ធ្វើដំណើរពីត្បូងទៅជើងក្នុងទិសដៅបញ្រ្ចាសគ្នា ជិះដោយឈ្មោះ យូ ផន ភេទប្រុស អាយុ៤៣ឆ្នាំ មានទីលំនៅភូមិអង្គសំរោង ឃុំព្រៃញាតិ ស្រុកគងពិសី ខេត្តកំពង់ស្ពឺ បណ្តាលឲ្យរងរបួសធ្ងន់។
ជនរងគ្រោះបានបញ្ជូនទៅមន្ទីរពេទ្យលោកសង្ឃផងដែរ៕