កំពង់ឆ្នាំងៈ លោកមេប៉ុស្តិ៍ឆ្នុកទ្រូ បានប្រាប់ Post News ថា មានករណីបុរសម្នាក់បានចុះមុជទឹក ដើម្បីទាញផ្ទះដែលបណ្តែតលើទឹក ស្រាប់តែពាងទឹកដែលនៅទ្រផ្ទះនោះ បានស្រូបបុរសខាងលើចូលទៅក្នុងពាង បណ្តាលឲ្យថប់ដង្ហើមស្លាប់តែម្តង។
ហេតុការណ៍កើតឡើងនៅវេលាម៉ោង ១ និង៣០នាទីរសៀល ថ្ងៃទី២៣ ខែវិច្ឆិកា ឆ្នាំ២០១៧ ស្ថិតនៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៍ ខេត្តកំពង់ឆ្នាំង។
ជនរងគ្រោះមានអាយុប្រហែល៣៧ឆ្នាំ មានកូន៤នាក់នៅក្នុងបន្ទុក។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកោសល្យវិច័យ រួចបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់