ភ្នំពេញៈ នៅព្រឹកថ្ងៃទី៧ ខែធ្នូ ឆ្នាំ២០១៧នេះ សមត្ថកិច្ចនគរបាលនាយកដ្ឋានព្រហ្មទណ្ឌ នៃក្រសួងមហាផ្ទៃ បានបញ្ជូនខ្លួន បុរសជនជាតិចិនតៃវ៉ាន់២នាក់ និងបុរសជនជាតិ ម៉ាឡេស៊ីម្នាក់ ទៅតុលាការដើម្បីចាត់ការបន្តតាមនីតិវិធី ពាក់ព័ន្ធករណី ចាប់បង្ខាំង ជនជាតិថៃចំនួន ៩នាក់។

យោងតាមការបញ្ជាក់ពីសមត្ថកិច្ចជនសង្ស័យទី១ឈ្មោះ Chen Chin Hao ភេទប្រុស អាយុ ៤៤ឆ្នាំ ជនជាតិចិនតៃវ៉ាន់ ទី២ឈ្មោះ Kuo Fang Lang ភេទប្រុស អាយុ ៤២ឆ្នាំ ជនជាតិចិនតៃវ៉ាន់ និងទី៣ឈ្មោះ Yong Yee Kan ភេទប្រុសអាយុ ៤៣ឆ្នាំ ជាជនជាតិ ម៉ាឡេស៊ី។

គួររំលឹកថា ជនសង្ស័យទាំង៣នាក់ខាងលើត្រូវបាន សមត្ថកិច្ចនគរបាលនាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃឃាត់ខ្លួនកាលពីរសៀលថ្ងៃទី៥ ខែធ្នូ ឆ្នាំ២០១៧ នៅចំណុច ផ្ទះវីឡាជួលមួយកន្លែង ក្នុងសង្កាត់ផ្សារដេប៉ូទី៣ ខណ្ឌទួលគោក ក្រោយពីពួកគេបាន ធ្វើសកម្មភាព បង្ខាំងជនជាតិថៃចំនួន ៩នាក់នៅក្នុងផ្ទះវីឡានោះ មិនឱ្យចេញទៅណា អស់រយៈពេល៣ថ្ងៃ និងត្រូវជនជាតិថៃរងគ្រោះផ្តល់ព័ត៌មានទៅបងប្អូនឱ្យប្តឹងសមត្ថកិច្ចដើម្បីជួយរំដោះពួកគេ៕
https://youtu.be/5cOOvdT-4cw