ភ្នំពេញៈ នៅពេលថ្មីៗ នេះអ្នកលេងបណ្តាញសង្គមហ្វេសប៊ុក បានទាញការចាប់អារម្មណ៍សារជាថ្មី តាមរយៈបទ «នឹកភ្នំធំ » ច្រៀងដោយអ្នកនាង រស់ សេរីសុទ្ធា ដោយមាន ព្រះរាជ វត្តមាន ព្រះករុណា ព្រះបាទសម្តេចបរមនាថ នរោត្តមសីហមុនី ព្រះរាជសម្តែង ក្នុងបទ មួយនេះ ដោយ អ្នកលេងបណ្តាញសង្គមហ្វេសប៊ុក ចាត់ទុកថា ជា វីដេអូ កម្រមួយ។

តាមរយៈវីដេអូឃ្លិប ៣នាទី និង ២២វិនាទី ដែលបង្ហោះនៅលើ គណនីយូធូប Soma Chhun បានសរសេរថា «ជាលើកទីមួយ ដែលខ្ញុំបានឃើញបទចំរៀង នឹកភ្នំធំ»។ ឃ្លិបវីដេអូនេះ បានបង្ហាញយ៉ាងច្បាស់ថា មានព្រះរាជ វត្តមាន សម្តែងរបស់ព្រះមហាក្សត្រ ព្រះករុណា ព្រះបាទសម្តេចបរមនាថ នរោត្តម សីហមុនី។

ដោយឡែកអ្នកលេងបណ្តាញសង្គមហ្វេសប៊ុក ប្រើគណនីឈ្មោះ Chantharith Sear បានសរសេរថា « នេះជាលើកទីមួយហើយដែលខ្ញុំបានឃើញបទចំរៀងនេះ (នឹកភ្នំធំ) ដែលជាការសំដែងរបស់ព្រះមហាក្សត្រ នរោត្តម សីហមុនី ដោយផ្ទាល់កាលពីយុវ័យ សូមចូលរួមស្តាប់នឹងទស្សនាបទចំរៀងមួយបទ នេះ»។

បញ្ជាក់ផងដែរថា ព្រះករុណា ព្រះបាទសម្តេច បរមនាថ នរោត្តម សីហមុនី នា ឆ្នាំ១៩៥៩ ដល់១៩៦២ ព្រះអង្គបានចូលសិក្សា នៅសាលាបឋមសិក្សានរោត្ដម, វិទ្យាល័យដេកាតនៅរាជធានីភ្នំពេញ។

បន្ទាប់មកព្រះអង្គត្រូវបានព្រះរាជបិតាបញ្ជូនទៅទីក្រុងប្រាហ្ក (Prague) ប្រទេសឆេកូស្លូវ៉ាគីកាលពីឆ្នាំ១៩៦២ ។ នៅទីនោះព្រះអង្គបានចូលរៀននៅសាលាបឋមសិក្សា, វិទ្យាល័យ និងសាលាតូរ្យតន្ត្រី ដែលទ្រង់បានសិក្សាផ្នែកតន្ត្រីនិងរបាំបុរាណរហូតដល់ឆ្នាំ ១៩៧៥ ។ នេះបើយោងតាម wikipedia ៕

ទស្សនាវិដេអូឃ្លិបដូចខាងក្រោមនេះ៖

https://www.youtube.com/watch?v=EMxyPhAEhrM