ព័ត៌មានជាតិ

អភិបាលខណ្ឌសែនសុខ ត្រូវបានផ្លាស់ប្តូរតំណែងព្រឹកនេះ

ភ្នំពេញ ៖នៅព្រឹកថ្ងៃទី ១១ខែមេសា ឆ្នាំ២០១៦នេះនៅសាលប្រជុំសាលាខណ្ឌសែនសុខ ត្រូវបានធ្វើពិធីប្រកាសតែងតាំងលោក បិុល កុសល អតីតក្រុមប្រឹក្សារខណ្ឌដង្កោ ទៅជាអភិបាលខណ្ឌសែនសុខជំនួសលោកលី សាវេត ដែលត្រូវបានប្រមុខរាជរដ្ឋាភិបាល តែងតាំងឲ្យទៅកាន់ជាអភិបាលរងខេត្តខេត្តកំពតវិញ។
ពិធីប្រកាសតែងតាំងនេះមានការចូលរួម លោក ប៉ា សុជាតិវង្ស អភិបាលរាជធានីភ្នំពេញ លោក ប៉ប់ សារិន ប្រធានក្រុមប្រឹក្សារាជធានីភ្នំពេញ លោកអភិបាលខណ្ឌ រងខណ្ឌ លោកចៅសង្កាត់ លោកអធិការខណ្ឌ មេបញ្ជាការអាវុធហត្ថខណ្ឌ

និងមន្ត្រីជាន់ខ្ពស់ថ្នាក់ខេត្តជាច្រើននាក់ទៀតបានចូលរួមផងដែរ។
លោក ជាម ហេង នាយកទីចាត់ការគ្រប់គ្រងធនធានមនុស្សសាលារាជធានីភ្នំពេញ បានឡើងអាន អនុក្រឹត្យលេខ ៣៦៤ អ ន ក្រ ត ត ស្តីពីការប្រកាសតែងតាំងលោក ប៉ិល កុសល ឲ្យឡើងទៅជាអភិបាលខណ្ឌសែនសុខ ជំនួសលោក លី សាវេត អភិបាលខណ្ឌចាស់ឲ្យឡើងទៅកាន់ជាអភិបាលរងខេត្តកំពតចាប់ពីថ្ងៃប្រកាសនេះតទៅ។

ក្នុងនោះដែរលោក ប៉ិល កុសល្យ បានឡើងធ្វើសេចត្តីប្តេជ្ញាចិត្តថាក្រោយពេលលោកបានឡើងជាអភិបាលខណ្ឌសែនសុខពេញសិទ្ធរួចមកលោកនិងខិតខំអនុវត្តឲ្យបានម៉ឺងម៉ាត់នូវរដ្ឋធម្មនុញ្ញ គោលការណ៍ច្បាប់ លិខិតបទដ្ឋានគតិយុត្តិជាធរមាននិងគោលការណែនាំនានារបស់រដ្ឋាភិបាលឲ្យមានប្រសិទ្ធភាពខ្ពស់និង ខិតខំគោរព និងអនុវត្តតាមការនែនាំរបស់ ប្រមុខរាជរដ្ឋាភិបាល និង ក្រសួងមហាផ្ទៃ ដើម្បីពង្រឹងការគ្រប់គ្រងដឹកនាំប្រកបដោយប្រសិទ្ធភាព តម្លាភាពក្នុងការបំពេញភារកិច្ចនៅរដ្ឋបាលថ្នាក់ក្រោមជាតិ ខិតខំអនុវត្តតួនាទី ភារកិច្ចជាតំណាងឲ្យរាជរដ្ឋាភិបាល និងក្រសួង ស្ថាប័ន ក្នុងការសម្របសម្រួល ជំរុញនិងសហការណ៍ជាមួយមន្ទីរ អង្គភាពនានាដែលកំពុងបំពេញតួនាទីក្នុងក្រុង និងខិតខំទប់ស្កាត់លុបបំបាត់រាល់បាតុភាពអសកម្មនានាដែលធ្វើឲ្យប៉ះពាល់និងបង្កភាពថ្នាំងថ្នាក់ដល់ប្រជាពលរដ្ឋដើម្បីចូលរួមចំណែកលើកកម្ពស់ជីវភាពរស់នៅសុខមាលភាព ការកាត់បន្ថយភាពក្រីក្ររបស់ប្រជាពលរដ្ឋស្របតាមគោលនយោបាយរបស់រដ្ឋភិបាល។

ឯកឧត្តម ប៉ា សុជាតិវង្ស បានធ្វើការផ្តាំផ្ញើដល់លោក បិុល កុសលដែលប្រមុខរាជរដ្ឋាភិបាលតែងឡើងទៅជាអភិបាលខណ្ឌសែនសុខហើយនោះត្រូវរក្សាសាមគ្គីភាពផ្ទៃក្នុងជួរគណ:អភិបាលក្រុងបង្កើតទំនាក់ទំនងល្អជាមួយក្រុមប្រឹក្សា រួមទាំងក្រសួង ស្ថាប័ន អង្គភាពពាក់ពន្ធ អង្គ ការ ដៃគូរអភិវឌ្ឍន៍ដើម្បីធានាឲ្យរដ្ឋបាលក្រុងអនុវត្តទទួលបានជោគជ័យ។ ឯកឧត្តម ប៉ា សុជាតិវង្ស បានបញ្ជាក់ទៀតថាលោកវ៉ៃគេងលីត្រូវពង្រឹងការគ្រប់គ្រងស្ថិតិប្រជាពលរដ្ឋ ការគ្រប់គ្រងជនអន្តោបករវេសន៍ ត្រូវជំរុញការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មី ជូនប្រជាពលរដ្ឋគ្រប់អាយុឲ្យបានគ្រប់ៗគ្នាដើម្បីធ្វើការបោះឆ្នោតនៅឆ្នាំ២០១៨ខាងមុខនេះផងដែរ៕

   
   

មតិយោបល់