កំពត: កាលពីវេលាម៉ោង៨និង១៥នាទីយប់ ថ្ងៃទី២១ ខែមករា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្ត បើកបុកម៉ូតូ បណ្តាលឲ្យភាគីខាងម៉ូតូ របួសធ្ងន់២នាក់ និងស្លាប់ម្នាក់ ស្ថិតលើផ្លូវជាតិលេខ៣ ភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេតកំពត។
ជនរងគ្រោះមានឈ្មោះ រី ហ្វ៊ីន អាយុ២៥ឆ្នាំ ភេទប្រុស និងអ្នករួមដំណើរទី១ឈ្មោះ រី កាយ៉ូម ភេទប្រុស អាយុ២៤ឆ្នាំរបួសធ្ងន់ទាំង២នាក់ស្នាក់នៅភូមិតាដឹប សង្កាត់អណ្តូងខ្មែរ ក្រុងកំពត ខេត្តកំពត និងទី៣ឈ្មោះ ណាត ឈីម ភេទស្រី អាយុ២៧ឆ្នាំ ស្នាក់នៅភូមិវាលក្រសាំង ឃុំតាកែន ស្រុកឈូក ខេត្តកំពត។ រីឯជនបង្កពុំស្គាល់អត្តសញ្ញាណនោះទេ ដោយរូបគេបានគេចខ្លួន បាត់ភ្លាមៗតែម្តង តែបន្សល់ទុករថយន្តម៉ាកកាមរី ពណ៌ទឹកប្រាក់ ស្លាកលេខភ្នំពេញ 2AO-1150។
ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុក នៅអធិការដ្ឋាននគរបាលស្រុក ដើម្បីដោះស្រាយបន្តតាមផ្លូវច្បាប់។ ចំណែកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់