Post News Media ព័ត៌មានជាតិ អាសូរ! ស្រវឹង...

អាសូរ! ស្រវឹងនាំគ្នាទៅឆក់ត្រី ដូចនាំគ្នាទៅស្លាប់

កណ្តាល: បុរស២នាក់នាំគ្នាផឹកស្រាស្រវឹងជោគខ្លួន​ហើយ រួចបបួលគ្នា​ទៅឆក់ត្រីនៅទឹកអូរស្រះដីស្រែប្រាំង ដោយការឆក់ខុសបច្ចេទេស ក៏ត្រូវឆ្លងចរន្តអគ្គិសនី ឆក់ស្លាប់ទាំង២យ៉ាងអាណោចអាធ័មនៅក្នុងទឹកអូរ។ ​​

ហេតុការណ៍​នេះបានកើតឡើង កាលពី​វេលា​ម៉ោង​១១​នឹង៣០​នាទីយប់ ​ថ្ងៃ​ទី​២២ ខែមករា ឆ្នាំ​២០១៨
នៅម្តុំ​ដី​ស្រូវប្រាំង ​ភូមិ​សំបួរ ឃុំ​សំបួរ ស្រុក​ល្វាឯម ខេត្តកណ្តាល។

ជន​រង​គ្រោះ​​ទី​១មាន​ឈ្មោះ ជៀប វ​ណ្ណី ភេទ​ប្រុស អាយុ​៣៧​ឆ្នាំ មុខរបរ​កសិករ និង​ទី​២​ឈ្មោះ ឃ្លី វិសាល ហៅ​តិ​ន ភេទ​ប្រុស ​មុខរបរ​កសិករ ទាំង២នាក់ស្នាក់​នៅ​ភូមិ​ព្រែក​ចារ ឃុំ​សំបួរ ស្រុក​ល្វាឯម។

ក្រោយទទួលបានព័ត៌មានពីពលរដ្ឋ ភ្លាមៗនោះសមត្ថកិច្ចបានចុះមកពិនិត្យលើសាកសពតែម្តង និងរកឃើញដុំឆក់ត្រី និងឧបករណ៍សម្រាប់នេសាទមួយចំនួនទៀត រួចក៏សន្និដា្ឋនថា អ្នកទាំង២បានស្លាប់ ដោយសារការឆក់ចរន្ថអគ្គិសនី នៃដុំឆក់ពិតប្រាកដមែន៕