បន្ទាយមានជ័យ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីមានជនសង្ស័យមួយក្រុម បានធ្វើសកម្មភាពព្រួតវាយ និងគប់ដុំថ្ម ទៅលើក្រុម ក្រុមតន្ត្រីសម័យ៥នាក់ បណ្តាលឲ្យរបួស ក្រោយពីខឹងសុំឲ្យលេង(ត) តែក្រុមតន្ត្រីមិនយល់ព្រម។
ហេតុការណ៍នេះកើតឡើងកាលពីវេលាម៉ោងប្រហែល៤រសៀល ថ្ងៃទី២៦ ខែមករា ឆ្នាំ២០១៨ នៅភូមិដុងអារញ្ញា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ករណីហិង្សានេះត្រូវបានជនរងគ្រោះបញ្ជាក់ថា បណ្តាលមកពីក្រុមជនសង្ស័យសុំឲ្យ ក្រុមតន្ត្រីពួកខ្លួនប្រគុំបន្តពេលចប់កម្មវិធី តែដោយសារជាប់ទទួល១រោងផ្សេងទៀត ទើបមិនយល់ព្រម ស្រាប់តែកើតរឿងរ៉ាវជាអំពើហិង្សាព្រួតគ្នាដេញវាយ បណ្តាលឲ្យមានអ្នករបួសបែបនេះតែម្តង។
ក្រោយកើតហេតុ ជនរងគ្រោះបានទៅដាក់ពាក្យបណ្តឹង ដើម្បីឲ្យសមត្ថកិច្ចស្រាវជ្រាវ រកយុត្តិធម៌ជូនខ្លួនបន្តទៀត៕
មតិយោបល់