កាលពីថ្មីៗនេះ លោក Stephen Elop នាយកប្រតិបត្តិក្រុមហ៊ុនផលិតទូរស័ព្ទដៃរបស់ ហ្វាំងឡង់ Nokia បានចូលរួមនៅក្នុងកិច្ចសម្ភាសន៍ជាមួយស្ថានីយទូរទស្សន៍ MTV3 របស់ហ្វាំងឡង់។
នៅក្នុងកិច្ចសម្ភាសន៍ លោក Elop ត្រូវបានពិធីករលោក Hjallis Harkimo ចោទសួរនូវសំណូរជាច្រើនដែលទាក់ទងនឹងស្មាតហ្វូន Lumia 928 និង 920 ដែលនៅមិនទាន់បង្ហាញវត្តមាននៅលើទីផ្សារ។
នៅក្នុងកិច្ចសម្ភាសន៍ លោក Harkimo ដែលជាពិធីករបាន ដក iPhone ចេញពីក្នុងហោប៉ាវ ព្រមទាំងបាននិយាយថា លោកមិនចង់ប្រើ iPhone ទេ ភ្លាមនោះ លោក Elop ដែលជានាយកប្រតិបត្តិ Nokia បានទាញយក iPhone នោះ បោះចោលទៅនឹងកម្រាល រួចនិយាយថា Nokia មានស្មាតហ្វូនដែលអាចជំនូស iPhone។
នៅក្នុងទម្រង់នេះ សបញ្ជាក់ថា ក្រុមហ៊ុន Nokia ពិតជាមានស្មាតហ្វូនដែលប្រណិតសម្រាប់ប្រជែងជាមួយ iPhone ប៉ុន្តែនៅក្នុងកិច្ចសម្ភាសន៍ លោក Elop មិនបានប្រាប់ថា Nokia នឹងចេញស្មាតហ្វូន Lumia 928 ដូចពាក្យចចាមអារ៉ាម ឬមួយយ៉ាងណានោះទេ។
គួរបញ្ជាក់ផងដែរថា ចាប់តាំងពី iPhone មានវត្តមាននៅលើទីផ្សារមក Nokia ស្ទើរតែបាត់មុខពីទីផ្សារ ប៉ុន្តែចាប់តាំងពីសហការជាមួយ Microsoft មកឃើញថា Nokia បានចាប់ផ្ដើមមានទីផ្សារវិញ ប៉ុន្តែនៅមិនទាន់ជោគជ័យខ្លាំងនោះទេ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់