(បន្ទាយមានជ័យ)៖ កម្លាំងជំនាញអាវុធហត្ថខេត្តបន្ទាយមានជ័យបានបញ្ជូនខ្លួនជនសង្ស័យម្នាក់ ទៅតុលាការ កាលពីព្រក ថ្ងៃទី១១ ខែមេសា ឆ្នាំ២០១៦នេះ បន្ទាប់ពីធ្វើសកម្មភាពលួចម៉ូតូមួយគ្រឿងមិនបានសម្រេច។
លោក ឱ បូរិន្ទ មេបញ្ជការកងរាជអាវុធហត្ថ ខេត្តបន្ទាយមានជ័យ បានប្រាប់ Post News ថាកាលពីម៉ោង ៨និង៣០នាទីយប់ ថ្ងៃទី៩ ខែមេសា ឆ្នាំ២០១៦ កម្លាំងអន្ដរាគមន៍ កងរាជអាវុធហត្ថបានឃាត់ខ្លួនយុវជនម្នាក់ ឈ្មោះ ធឹម ប្រុស អាយុ២៧ឆ្នាំ រស់នៅភូមិដូង ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ខណៈកំពុងធ្វើសកម្មភាពយកសោរដើរ ចាក់គ្រប់ម៉ូតូ ដែលចតចោលក្រៅរបង វេទិការខេត្ត ស្ថិតក្នុងភូមិ ៣ សង្កាត់ព្រះន្លា ក្រុងសិរីសោភ័ណ ខេត្តបន្ទាយមានជ័យ។
ក្រោយឃាត់ខ្លួន ជនសង្ស័យបានឆ្លើយសារភាពថា ខ្លួនគេមានគោលបំណងលួច យកម៉ូតូនោះមែន ដោយយកកូនសោរដើរចាក់គ្រប់ម៉ូតូ ត្រូវមួយណាយកមួយហ្នឹង៕
មតិយោបល់