កណ្តាល: កម្លាំងប៉ុស្តិ៍នគរបាលរដ្ឋបាលគគីរធំចុះល្បាត ប្រទះឃើញជនសង្ស័យ២នាក់ជិះកង់ រួចក៏បានឃាត់ធ្វើការត្រួតពិនិត្យ រកឃើញគ្រឿងញៀនចំនួន០៣កញ្ចប់តូច(ម៉ាទឹកកក) កាលពីវេលាម៉ោង៩និង០០នាទី ថ្ងៃទី១៤ ខែមិថុនា ឆ្នាំ២០១៦ ចំណុចផ្លូវជាតិលេខ១ក្នុងភូមិគគីរធំ ឃុំគគីរធំស្រុកកៀនស្វាយ ខេត្តកណ្តាល។
ប្រភពឲ្យដឹងថា ជនសង្ស័យទាំង០២នាក់ ទី១- ឈ្មោះភួង សុផា ភេទប្រុស អាយុ១៧ឆ្នាំ ជនជាតិខ្មែរ មុខរបរជាងដំដែក មានទីលំនៅភូមិ ឃុំកើតហេតុខាងលើ។ ទី២- ឈ្មោះថន ថៃសេង ភេទប្រុស អាយុ១៥ឆ្នាំ មុខរបរសិស្សមានទីលំនៅភូមិពោធិមៀវ ឃុំគគីរធំ ស្រុកកៀនស្វាយ ខេត្តកណ្តាល។
ក្រោយការឃាត់ខ្លួន កម្លាំងនគរបាលដងហូតវត្ថុតាងរួមមាន៖ ម្សៅក្រាមពណ៌ស សង្ស័យថាគ្រឿងញៀន (ម៉ាទឹកកក) ចំនួន ០៣កញ្ចប់តូច កង់.០១គ្រឿង ទូរស័ព្ទដៃមួយគ្រឿងម៉ាកណូគាអិនចុចពិល និងកូនដបជ័រ១ មានទឹកកន្លះដប។
បច្ចុប្បន្ន ជនសង្ស័យទាំងពីរខាងលើ រួមទាំងវត្ថុតាង ត្រូវបានបញ្ជូនមកអធិការដ្ឋាននគរបាលស្រុក ដើម្បីបន្តកសាងសំណុំរឿងតាមនីតិវិធី៕
មតិយោបល់