កណ្ដាលៈ មានករណីគ្រោះថ្នាក់ចរាចរណ៍មួយរវាងរថយន្តបុកម៉ូតូកាលពីវេលាម៉ោង៣និង៣០នាទីថ្ងៃទី១៥ ខែមិថុនា ឆ្នាំ២០១៦ ចំណុចលើផ្លូវជាតិលេខ៣ ចន្លោះគីឡូម៉ែត្រ២៧-២៨ ភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។
ប្រភពព័ត៌មានបានឲ្យដឹងថា ជនរងគ្រោះឈ្មោះ ស៊ឹម គា ភេទប្រុស អាយុ២៦ឆ្នាំ ស្នាក់នៅបណ្ដោះសន្ននៅភូមិត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ មុខរបរកម្មកររោងចក្រ។
ប្រភពដដែលបានបន្តថា នៅមុនពេលកើតហេតុបុរសខាងលើ ជិះម៉ូតូម៉ាកសង់សេ125 ពណ៌ខ្មៅ ស្លាកលេខភ្នំពេញ1BO-8858 បើកបរក្នុងទិសដៅពីតាកែវមកភ្នំពេញ ដល់ចំណុចកើតហេតុត្រូវរថយន្តដឹកទំនិញ ដែលបើកបរក្នុងទិសដៅបញ្រ្ចាសគ្នា បុកស្លាប់នៅនឹងកន្លែងកើតហេតុតែម្ដង ហើយរថយន្តបង្កបានបើកគេចខ្លួនបាត់ស្រមោលឈឹង។
ចំណែកសពជនរងគ្រោះ និងម៉ូតូ ត្រូវបានប្រគល់ជូនសាច់ញាតិបងប្អូនយកទៅធ្វើបុណ្យតាមប្រពៃណី៕
មតិយោបល់