Post News Media ព័ត៌មានជាតិ តំណាងអយ្យការប...

តំណាងអយ្យការបានបញ្ចប់ការសាកសួរ ស្រីមុំ ពាក់ព័ន្ធនឹងសំណុំរឿង សញ្ចារកម្ម ហើយនៅថ្ងៃត្រង់នេះ

ភ្នំពេញ: នៅម៉ោង១២ និង៤០នាទីនេះកញ្ញា ខុម ចាន់តារ៉ាទី ហៅស្រីមុំ ត្រូវបានលោក សៀង សុខ តំណាងអយ្យការបិទបញ្ចប់ការសាកសួរពាក់ព័ន្ធនឹងសំណុំរឿងសញ្ចារកម្ម ដែលនាងបានប្តឹងលោក កឹម សុខា ជាប្រុសស្នេហ៍ស៊ីជម្រៅរបស់នាងហើយ។

លោក គឹម វាសនា មេធាវីការពារសិទ្ធិឲ្យស្រីមុំបានថ្លែងប្រាប់អ្នកសារព័ត៌មានថា នៅព្រឹកនេះតំណាងអយ្យការបានសាកសួរកូនក្តីលោកពាក់ព័ន្ធនឹងសំណុំរឿង សញ្ចារកម្ម ដែលមានមនុស្សពាក់ព័ន្ធរួមាន លោក កឹម សុខា លោក តុបវណ្ណចាន់ និងលោក ពិន រតនា។ លោកមេធាវីដដែលបានបញ្ជាក់ថា តំណាងអយ្យការនឹងបន្តនីតិវិធីតទៅទៀតលើសំណុំរឿងនេះ ដូច្នេះលោកមិនមានការបកស្រាយលើសពីនេះនោះទេ។

សូមបញ្ជាក់ដថា កាលពីម៉ោងប្រមាណជា៨ និង៥៨នាទីព្រឹកថ្ងៃទី១៦ ខែមិថុនា ឆ្នាំ២០១៦នេះ កញ្ញា ខុម ចាន់តារ៉ាទី ហៅស្រីមុំ រួមជាមួយមេធាវីការពារសិទ្ធិរបស់នាង គឺលោក គឹម វាសនា បានចូលខ្លួនបំភ្លឺតាមដីកាកោះហៅរបស់លោក សៀង សុខ តំណាងអយ្យការអមសាលាដំបូងរាជធានីភ្នំពេញ។ ការចូលខ្លួនបកស្រាយបំភ្លឺរបស់ស្រីមុំ នៅចំពោះមុខតំណាងអយ្យការនេះ គឺពាក់ព័ន្ធនឹងអំពើសញ្ចារកម្ម ក្នុងនាមជាដើមបណ្តឹងប្តឹ លោក កឹម សុខា អនុប្រធានគណបក្សសង្គ្រោះជាតិ ដែលត្រូវនាងអះអាងថាជាប្រុសស្នេហ៍ស៊ីជម្រៅរបស់នាងក្នុងគ្រាកន្លងមក។

គួររំឮកថា សំណុំរឿងក្តីក្តាំដែលផ្តើមចេញពីទំនាក់ទំនងស្នេហារវាងស្រីមុំ និងលោក កឹម សុខា បានអូសបន្លាយជាយូរខែមកហើយ ពោលគឺចាប់តាំងពីអំឡុងដើមឆ្នាំ២០១៦មកម្ល៉េះ។ ស្រីមុំ និងលោក កឹម សុខា ដែលជាតួអង្គសំខាន់ត្រូវបាន តំណាងអយ្យការ និងចៅក្រមស៊ើបសួរសាលាដំបូងក្រុងភ្នំពេញចេញដីកាកោះហៅជាច្រើនលើកច្រើនសារប៉ុន្តែ គេបានឃើញតែវត្តមានស្រីមុំតែម្នាក់ ដែលបានបង្ហាញខ្លួនតាមការកោះហៅ ខណ:ដែលតួអង្គប្រុសគឺលោក កឹម សុខា បានបដិសេធម្តងហើយម្តងទៀតថា មិនចូលខ្លួនបំភ្លឺជាដាច់ខាត រហូតដល់ថ្ងៃទី១៤ ខែមិថុនា ឆ្នាំ២០១៦ ក៏លោក កឹម សុខា មិនព្រមចូលខ្លួនតាមកោះហៅរបស់ចៅក្រមស៊ើបសួរនោះទេ។

ក្រៅពីតួអង្គសំខាន់ប្រុសស្រីមួយគូនេះ អ្នកដែលត្រូវរងការចោទប្រកាន់ពីតុលាការរហូតមានអ្នកខ្លះត្រូវជាប់គុកច្រវាក់ក៏មិនតិចដែរជាក់ស្តែងមនុស្សមួយចំនួនដូចជា៖

-ទី១ លោក ស៊ាង ចែត ជាមេឃុំស្រក ស្រុកកំពង់សៀម ខេត្តកំពង់ចាម មកពីគណបក្សសមរង្ស៊ី

-ទី២ លោក នី ចរិយា  អគ្គលេខាធិការរងគណ:កម្មាធិការជាតិរៀបចំការបោះឆ្នោត(គ.ជ.ប)

-ទី៣ ឈ្មោះ នី សុខា មន្ត្រីអង្គការអាដហក

-ទី៤ ឈ្មោះ ណៃ វ៉ង់ដា មន្ត្រីអនុប្រធានអង្គការអាដហក

-ទី៥ ឈ្មោះ យី សុខសាន្ត មន្ត្រីអង្គការអាដហក

-ទី៦ ឈ្មោះ លឹម មុនី មន្ត្រីអង្គការអាដហក

ពួកគេត្រូវបានរងការចោទថា បានសូកប៉ាន់សាក្សី និងសមគំនិតក្នុងការសួកប៉ាន់សាក្សី ដែលមានម្តាយស្រីមុំ និងស្រីមុំ ផ្ទាល់កុំឱ្យនិយាយការពិតពីរឿងស្នេហា រវាងស្រីមុំ និងលោក កឹមសុខា៕

Loading...