តាកែវៈ មានករណីបុរសម្នាក់ មកមើលគេបូមត្រី ដោយបានដេកកើយផ្លូវរថភ្លើង ត្រូវរថភ្លើងកិនបែកក្បាលស្លាប់យ៉ាងរន្ធត់ កាលពីវេលាម៉ោង១២និង២០នាទីយប់ឈានចូលថ្ងៃទី៣ ខែមីនា ឆ្នាំ២០១៨ នៅចំណុចគីឡូម៉ែត្រលេខ ៣៧-៣៨ ភូមិបាក់រនាស់ ឃុំសំរោង ស្រុកបាទី ខេត្តតាកែវ។

ជនរងគ្រោះមានឈ្មោះ មាស ជា ភេទប្រុស​ អាយុ៦៦ឆ្នាំ ស្នាក់នៅភូមិអូរគគីរ ឃុំអូរដា ស្រុកកំរៀង ខេត្តបាត់ដំបង តែមកលេងផ្ទះបងប្អូននៅភូមិកើតហេតុខាងលើ រួចបបួលគ្នាទៅមើលគេបូមត្រី តែបូមមិនទាន់រីង ជនរងគ្រោះក៏ដេកកើយផ្លូវរថភ្លើង លក់មួយភាំង ក៏ត្រូវរថភ្លើងកិនបែកក្បាលស្លាប់តែម្តង៕