ព្រះសីហនុៈ មានករណីគ្រោះថ្នាក់ចរាចរណ៍មួយបានកើតឡើងដោយមានបុរស២នាក់ ជិះម៉ូតូក្នុងល្បឿនលឿនមិនពាក់មួកសុវត្ថិភាព បានជ្រុលទៅបុករថយន្តរបស់កាស៊ីណូ លីស៊ីង បណ្តាលឲ្យស្លាប់ម្នាក់ និងរបួសធ្ងន់ម្នាក់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។
ហេតុការណ៍នេះកើតឡើងនៅម៉ោង១២និង១០នាទី យប់ឈានចូលថ្ងៃទី៣ ខែមីនា ឆ្នាំ២០១៨ មុខការិយាល័យនគរបាលចរាចរណ៍ផ្លូវគោក ភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះកើតឡើង រវាងម៉ូតូម៉ាកហុងដាសេ១២៥ ពណ៌ខ្មៅ គ្មានស្លាកលេខ ជិះឌុបគ្នាដោយយុវជន២នាក់ មិនពាក់មួកសុវត្ថិភាព ពីជើងទៅត្បូង លុះដល់ចំណុចកើតហេតុ ក៏បានបុកនឹងរថយន្តម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខ ព្រះសីហនុ 2B-5858 របស់កាស៊ីណូ លីស៊ីង បណ្តាឲ្យស្លាប់ម្នាក់ និងរបួសធ្ងន់ម្នាក់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។
មតិយោបល់