ភ្នំពេញៈ ក្រោយពីបើកការស្រាវជ្រាវកម្លាំងជំនាញខណ្ឌ ប៉ុស្តិ៍ព្រែកលៀបបានចុះធ្វើការបង្ក្រាបជាក់ស្តែង ករណីជួញដូរដោយខុសច្បាប់នូវសារធាតុញៀន ឃាត់ខ្លួនជនសង្ស័យ២នាក់ថ្នាំញៀន១កញ្ចប់ និងម៉ូតូ១គ្រឿង។
ហេតុការណ៍បង្ក្រាបនេះបានកើតឡើងកាលពីវេលាម៉ោង៣រសៀល ថ្ងៃទី៧ ខែមីនា ឆ្នាំ២០១៨ នៅតាមបណ្តោយផ្លូវជាតិលេខ៦ ភូមិព្រែកលៀបសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

សមត្ថកិច្ចបានឲ្យដឹងថាជាលទ្ធផលក្នុងកិច្ចប្រតិបត្តិការណ៍នេះ កម្លាំងនគរបាលជំនាញបានឃាត់ខ្លួនជនសង្ស័យ២នាក់ ទី១ឈ្មោះ អ៊ុន សុភា ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិវិហារសួគ៌ ឃុំវិហាសួគ៌ ស្រុកខ្សាច់កណ្តាល ខេត្កណ្តាល។
ទី២ឈ្មោះ ទូច វឌ្ឍនា ភេទប្រុស អាយុ១៦ឆ្នាំ ជនជាតិខ្មែរ មុខរបរសិស្សស្នាក់នៅភូមិកំពង់អំពិល ឃុំកំពង់អំពិល ស្រុកពារាំង ខត្តព្រៃវែង។

ចំពោះសម្ភារៈដែលត្រូវដកហូតបានរួមមាន ក្រាមពណ៌សរថ្លាចំនួន១កញ្ចប់ធំម៉ូតូមួយគ្រឿងម៉ាកCBR ពណ៌ខ្មៅ ពាក់ស្លាកលេខ ភ្នំពេញ1FK5551 ។
ក្រោយឃាត់ខ្លួនជនសង្ស័យទាំង២នាក់រួមទាំវត្ថុតាងត្រូវបានបញ្ជូនទៅផ្នែកជំនាញនៃអធិការដ្ឋាននគរបាលខណ្ឌជ្រោយចង្វារ ដើម្បីសាកសួរនិងកសាងសំណុំរឿងចាត់ការតាមនីតិវិធី៕