ភ្នំពេញ: ខណ:នេះ កម្លាំងនគរបាលបឹងកេងកងទី១ ឃាត់ខ្លួនជនសង្ស័យម្នាក់ ធ្វើការសកម្មភាពឆក់ខ្សែកពីស្ត្រីរងគ្រោះបានសម្រេច តែជិះម៉ូតូរត់គេខ្លួនមិនរួច នៅចំណុចផ្លូវលេខ៥១ កែងនិងផ្លូវលេខ៦៣ ក្នុងសង្កាត់បឹងកេងកងទី១ ខណ្ឌចម្ការមន។
ប្រភពឲ្យដឹងថា ហេតុការណ៍ខាងលើនេះ បង្កឡើងដោយយុវជនម្នាក់ ជិះម៉ូតូសេ១២៥ មួយគ្រឿង ពណ៌ខ្មៅ ពាក់ស្លាកលេខ ភ្នំពេញ1BS-7383 ធ្វើសកម្មភាពឆក់ខ្សែកពីស្ត្រីម្នាក់បានសម្រេច តែជិះម៉ូតូគេចខ្លួនមិនរួចពីកម្លាំងនគរបាលធ្វើការឃាត់ខ្លួនភ្លាមៗតែម្តង។
ប្រភពបន្តថា ក្រោយការឃាត់ខ្លួន កម្លាំងនគរបាលដកហូតវត្ថុតាង ខ្សែកមួយខ្សែរបស់ស្ត្រីរងគ្រោះ និងម៉ូតូរបស់ជនសង្ស័យមួយគ្រឿង។
បច្ចុប្បន្ន ជនសង្ស័យត្រូវបានឃាត់ខ្លួន បញ្ជូនមកប៉ុស្តិ៍នគរបាលបឹងកេងកងទី១ ដើម្បីកសាងសំណុំរឿងចាត់ការតាមនីតិវិធី៕
មតិយោបល់