ព្រះសីហនុៈ មានករណីគ្រោះថ្នាក់ចរាចរណ៍មួយ បានកើតឡើង រវាងរថយន្តដឹកដី បុកជាមួយម៉ូតូវ៉េវ បណ្តាលឲ្យយុវជន៣នាក់ ស្លាប់និងរបួស កាលពីវេលាម៉ោង៣និង២០នាទី រសៀលថ្ងៃទី១២ ខែមីនា ឆ្នាំ២០១៨ ខាងមុខមន្ទីររ៉ែនិងថាមពលឃ្លាំងលើ ភូមិ១ សង្កាត់១ ក្រុងព្រះសីហនុ ខេត្តព្រះសីហនុ។
គ្រោះថ្នាក់នេះ កើតឡើងខណៈដែលរថយន្តបែនដឹកដី ពណ៌ខៀវ គ្មានស្លាកលេខ បានបុកជាមួយម៉ូតូម៉ាក Wave ឆ្លាម ពណ៌ខៀវ គ្មានស្លាកលេខ កំពុងជិះដោយយុវជនម្នាក់៣នាក់ ក្នុងទិសដៅផ្ទុយគ្នា បណ្តាលដួលបោកទៅលើដងផ្លូវ ធ្វើឲ្យយុវជនម្នាក់ស្លាប់ក្រោយបញ្ជូនដល់មន្ទីរពេទ្យ និង២នាក់ទៀតរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យដូចគ្នា។
បច្ចុប្បន្នវត្ថុតាង ត្រវបានសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដោះស្រាយគ្នាតាមច្បាប់បន្តទៀត ៕
មតិយោបល់