Post News Media ព័ត៌មានជាតិ បុរសពោះម៉ាយម្...

បុរសពោះម៉ាយម្នាក់ ជិះម៉ូតូដួលស្លាប់តែម្នាក់ឯង គ្មានអ្នកណាដឹង!

កំពង់ស្ពឺ: មានការភ្ញាក់ផ្អើលមួយបានកើតឡើង ខណ:ដែលមានប្រជាពលរដ្ឋ បានប្រទះឃើញសពបុរសម្នាក់ដេកស្លាប់តែម្នាក់ឯង ក្រោយពីបានជិះម៉ូតូដួលស្លាប់ ដោយគ្មាននរណាម្នាក់បានដឹង។

ហេតុការណ៍នេះកើតឡើងនៅម៉ោង១១និង៣៦នាទី ថ្ងៃទី១៦ ខែមីនា ឆ្នាំ២០១៨ នៅភូមិស្តុក ឃុំស្តុក ស្រុកគងពិសី ខេត្តកំពង់ស្ពឺ។

សាកសពជនរងគ្រោះមានឈ្មោះ សៅ សុំ អាយុ៣៣ឆ្នាំ ភេទប្រុស ស្នាក់នៅភូមិកើតហេតុខាងលើ បានដេកស្លាប់នៅខាងលិចផ្ទះ២០០ម៉ែត្រ។

ហើយបើតាមការពិនិត្យសាកសព មានស្លាកស្នាមកោសរលាត់កែងដៃឆ្វេង និងខ្នងជើងឆ្វេងដែលជនរងគ្រោះជិះម៉ូតូដួលខ្លួនឯង កាលពីថ្ងៃទី១៥ ខែមីនា ឆ្នាំ២០១៨ ។ ក្នុងនោះបើតាមការបញ្ជាក់ពីសាច់ញាតិសាកសពបានឲ្យដឹងថា មុនពេលស្លាប់ជនរងគ្រោះបានផឹកស្រាស្រវឹងជាប្រចាំ ហើយជាមនុស្សមិនសូវមានក្រុមគ្រួសារយកចិត្តទុកដាក់ (ជាបុរសពោះម៉ាយ) ។

បច្ចុប្បន្នសពជនរងគ្រោះត្រូវបានសមត្ថកិច្ចប្រគល់ឲ្យសាច់ញាតិធ្វើបុណ្យតាមប្រពៃណី៕