Post News Media ព័ត៌មានជាតិ ទុស្សេចរន្តអគ...

ទុស្សេចរន្តអគ្គិសនីលើបង្គោលភ្លើង ឆេះរាលដាលដល់ផ្ទះប្រជាពលរដ្ឋ៣ល្វែង ក្នុងខណ្ឌទួលគោក!

​ភ្នំពេញ: អគ្គិភ័យមួយបានឆាបឆេះផ្ទះល្វែងចំនួន៣ ដែលជាហាង​កាត់សក់​បុរស , ទីតាំងវេប្រាក់និងដកប្រាក់ រួមនឹងហាងលក់សម្ភារ:ប្រើប្រាស់​ប្រទេស​ជប៉ុន ក្រោយពីឆេះរាលដាលពីបង្គោលភ្លើង១ដើម។

ហេតុការណ៍នេះបង្កឲ្យមានការភ្ញាក់ផ្អើលយ៉ាងខ្លាំងនៅម៉ោងជាង១០យប់ថ្ងៃ​ទី​២៥ ខែ​មី​នា ឆ្នាំ​២០១៨ នៅ​ផ្លូវ​ម៉ៅ​សេ​ទុង​កែង​ផ្លូវ​២៣០ សង្កាត់​ទឹកល្អក់​៣ ខណ្ឌទួលគោក រាជធានីភ្នំពេញ និងប្រើប្រាស់រថយន្តពន្លត់អគ្គិភ័យអស់១គ្រឿងទើបរលត់ ហើយការឆាបឆេះនេះ គ្រាន់តែឆេះដំបូលតែប៉ុណ្ណោះ៕