ព្រះសីហនុៈ កាលពីយប់ថ្ងៃទី ២៦ ខែមីនា ឆ្នាំ២០១៨ ចន្លោះពីម៉ោង២ ទៅម៉ោង៦ព្រឹក ស្ថិតនៅក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ មានករណីចោរលួចកាបូប ពីជនរងគ្រោះឈ្មោះ Yang Hai Wei ភេទប្រុស អាយុ២៩ឆ្នាំ ជនជាតិចិន ចុះថ្ងៃទី១៩ ខែវិច្ឆិកា ឆ្នាំ២០១៤ ផុតកំណត់ថ្ងៃទី១៨ ខែវិច្ឆិកា ឆ្នាំ២០២៤ មុខរបរអាជីវករ ស្នាក់នៅកន្លែងកើតហេតុ។

សម្ភារៈបាត់បង់រួមមាន ៖ ទូរសព្ទដៃចំនួន ១០គ្រឿង, លុយបាតថៃចំនួនប្រហៃល ១០ ០០០បាត, លុយយេនចិនចំនួនជាង ១០ ០០០យេន, ប្រាក់ដុល្លារអាមេរិកប្រហែល ៥,០០០ដុល្លារ, កាតធនាគា និងកាតផ្សេងៗចំនួន១៦កាត, កាបូបដៃពណ៌ខ្មៅមួយ, កាបូបស្ពាយពណ៌ស-ខ្មៅមួយ និងស្បែកជើងពណ៌ប៉ាតាមួយគូ។

ក្រោយមក សមត្ថកិច្ចបានឃាត់ខ្លួនជនសង្ស័យម្នាក់ឈ្មោះ Volodymer Behal ភេទប្រុស អាយុ២៩ឆ្នាំ ជនជាតិអ៊ុយក្រែន នៅវេលាម៉ោង ១និង៣០នាទីរសៀល ថ្ងៃទី២៦ ខែមីនា ឆ្នាំ២០១៨ នៅក្នុងបុរី BS អូរ៥ ភូមិ៥ សង្កាត់៤ ដកហូតបាន៖ ទូរសព្ទដៃចំនួន ១០គ្រឿង , ប្រាក់បាតថៃចំនួន ៦,៩១០បាត , លុយយេនចិនចំនួន ៩០៥យេន , លុយហុងកុង ២៩0 , កាត ATM ចំនួន១៧កាត , កាបូបដៃ១ ពណ៌ខ្មៅ , កាបូបស្ពាយមួយពណ៌ ស-ខ្មៅ , លុយដុល្លាអាមេរិកចំនួន ៣,៦០០ ដុល្លារ (ជាផលនៃអំពើលួច)។

បច្ចុប្បន្ន ជនសង្ស័យខាងលើ ត្រូវបានកម្លាំងជំនាញកំពុងបន្តតាមនីតិវិធី បញ្ជូនទៅសាលាដំបូងខេត្តចាត់ការតាមច្បាប់បន្តទៀត៕