ភ្នំពេញៈ បើនិយាយពីក្បួនចិនសែ វិញបានលើកឡើងថា ឲ្យតែមនុស្សកើតក្នុងខែមិថុនា ជាមនុស្សម្នាក់ ដែលមានសណ្តានចិត្តល្អ ស្មោះសរ និងគិតរឿងសប្បុរសធម៌ ជារឿងធំ។
សម្រាប់ថ្ងៃនេះវិញ Post News សូមលើកឡើងតារា៣ ដួង ដែលកើតខែក្នុងខែមិថុនា ចូលចិត្តធ្វើសប្បុរសធម៌៖
១.លោក សាវិន ហ្វីលីព
តារាសម្តែងលោក សាវិន ហ្វីលីព ត្រូវបានគេស្គាល់លោកយ៉ាងច្បាស់មួយទៀត ក្រៅវង់សិល្បៈនោះ គឺមានសណ្តានចិត្តល្អ ក្នុងការធ្វើសប្បុរសធម៌ ធ្វើបុណ្យចែកទាន ដល់គ្រួសារជនក្រីក្រ និងសិស្សក្រីក្រ ។ ជាក់ស្តែងនៅថ្ងៃទី២៣ ខែមិថុនា ខាងមុខនេះ លោក សាវិន ហ្វីលីព នឹងនាំកង់៣០គ្រឿង ទៅឲ្យ សិស្សានុសិស្ស ជាកូនគ្រួសារក្រីក្រ ជនជាតិភាគតិច នៅមណ្ឌលគិរី។
២. អ្នកនាង ចន ចាន់លក្ខិណា
មេម៉ាយចាយរាង អ្នកនាងចន ចាន់លក្ខិណា មួយរយៈចុងក្រោយមកនេះ គេសង្កេតឃើញអ្នកនាង កាន់តែផុសផុលឡើង ក្នុងការធ្វើបុណ្យចែកទាន និងសប្បុរសធម៌ យ៉ាងសកម្មបំផុត ។
មើលឃើញ ជាក់ស្តែង កាលពីរាត្រីថ្ងៃទី១៨ ខែមិថុនា ឆ្នាំ២០១៦ បាននាំអាហារជូនដល់ចាស់ៗ ដែលស្នាក់នៅតាមសំយាបផ្ទះ និងតាស៊ីក្លូ ម្តុំផ្សារកណ្តាល ជាមួយនឹងក្រុមចលនាជួយ របស់នាង។
៣. លោក សុវណ្ណ រិទ្ធី ហៅលោកតា វ៉ិចទ័រ
តា វ៉ិចទ័រ ត្រូវបានក្រុមកំប្លែងរបស់លោក ចាត់ទុកថា ជាឪ ជាបង ជាថ្នាក់ដឹកនាំដ៏ល្អ ដែលមើលខុសត្រូវកូនចៅ ហើយក្រៅពី មានចំណុចសំខាន់ទៀត លោក សុវណ្ណ រិទ្ធី ហៅលោកតា វ៉ិចទ័រ ចូលចិត្តធ្វើសប្បុរសធម៌ ដោយកន្លងមកលោកក៏បានសាងសង់អណ្តូងទឹកមួយ ជូនប្រជាជននៅក្នុងខេត្តតាកែវ៕
មតិយោបល់