ភ្នំពេញ: ករណីទុស្សេចរន្តអគ្គីសនីឆេះបន្ទប់ជួល បណ្ដាលឲ្យផ្អើលប្រជាពលរដ្ឋ និងសម្ថិតកិច្ចប្រចាំមូលដ្ឋាន ដែលហេតុការណ៍នេះ បានកើតទ្បើងកាលពីវេលាម៉ោង ៧និង២០នាទីព្រឹកថ្ងៃទី៩ ខែមេសា ឆ្នាំ២០១៨ នៅចំណុចផ្ទះជួល ស្ថិតនៅក្នុងភូមិជម្ពូវ័ន១ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ម្ចាស់បន្ទប់ជួលឈ្មោះ រស់ សុកុលដា ភេទប្រុស អាយុ៤៨ឆ្នាំ និងប្រពន្ធឈ្មោះ ឆាន់ យិត អាយុ៤៦ឆ្នាំ អ្នកទាំ២នាក់ ជាកម្មករ-កម្មការិនីរោងចក្រកាត់ដេរមួយកន្លែង និងជាអ្នកមើលការខុសត្រូវអ្នកជួលផ្ទះ។ ចំណែកម្ចាស់ផ្ទះឈ្មោះ ប៊ុន វណ្ណ: អាយុ៣៨ឆ្នាំ ស្នាក់នៅ សង្កាត់បឹងកក់២ ខណ្ឌទួលគោក ។
តាមសមត្ថកិច្ច បានឲ្យដឹងថា មុនពេលកើតហេតុម្ចាស់បន្ទប់ទាំង២នាក់ប្ដីប្រពន្ធ បានបិទទ្វារចាក់សោរចោល និងបាននាំគ្នាទៅធ្វើការបាត់អស់។ ក្រោយមកស្រាប់តែមានភ្លើងឆាបឆេះឡើង ហើយត្រូវបានប្រជាពលរដ្ឋនាំគ្នាជួយបាញ់ទឹក និងយកបំពង់ពន្លត់អគ្គិភ័យបាញ់ពន្លត់រហូតរលត់ទៅវិញ។ ខណ:ដែលមានរថយន្តពន្លត់អគ្គិភ័យ៤គ្រឿងចេញអន្តរាគមន៍ ប៉ុន្តែមិនបានបាញ់ទឹកទេ ព្រោះប្រជាពលរដ្ឋពន្លត់រលត់មុនទៅហើយ ។
អគ្គិភ័យនេះ បណ្ដាលឲ្យឆេះអស់ទូរទស្ស១គ្រឿង រួមទាំងរបស់របរមួយចំនួនទៀត៕
មតិយោបល់