Post News Media ព័ត៌មានជាតិ រន្ធត់ណាស់! ក...

រន្ធត់ណាស់! ក្មេងស្រីអាយុ ១៥ ឆ្នាំម្នាក់ ត្រូវខ្សែឆក់ស្លាប់យ៉ាងអាណោចអាធ័ម

កំពង់ស្ពឺ: តាមសមត្ថកិច្ច បានឲ្យដឹងថា មានករណីក្មេងស្រីម្នាក់ ត្រូវខ្សែភ្លើងឆក់ស្លាប់ កាលពីវេលាម៉ោង ៥ ល្ងាចថ្ងៃទី១១ ខែមេសា ឆ្នាំ២០១៨ ​ស្ថិតភូមិសំរោងទង​កណ្ដាល​ ឃុំសំរោងទង ស្រុកសំរោងទង​ ខេត្តកំពង់ស្ពឺ

ជនរងគ្រោះ ឈ្មោះ តង​ ចាន់ឌី ភេទស្រី​ អាយុ ១៥ឆ្នាំ រស់នៅភូមិឃុំកើតហេតុ បានទៅបោកសំលៀកបំពាក់ នៅផ្ទះមីងឈ្មោះ ញាណ ចិន្តា​ អាយុ ៣២ឆ្នាំ នៅភូមិសំរោងទងលើ ឃុំសំរោងទង​ ដោយសារនៅពាងក្បែរសសរសំយ៉ាបផ្ទះមានខ្សែភ្លើងជាប់ ទើបបណ្ដាលឲ្យឆក់ស្លាប់តែម្ដង​។

បច្ចុប្បន្នសាកសព ត្រូវបានក្រុមគ្រួសារ សាច់ញាតិបងប្អូន យកទៅធ្វើបុណ្យតាមប្រពៃណី៕