បាត់ដំបងៈ ករណីអគ្គិភ័យមួយ បានឆាបឆេះផ្ទះប្រជាពលរដ្ឋ ១ខ្នង ខ្ទេចទាំងស្រុង កាលពីថ្ងៃទី១៤ ខែមេសា ឆ្នាំ២០១៨ វេលាម៉ោង ១០ និង១៥ នាទីព្រឹក ស្ថិតចំណុចក្រុមទី៦ ភូមិអួសទូក ឃុំកំពង់ព្រៀង ស្រុកសង្គែ ខេត្តបាត់ដំបង។

ម្ចាស់ផ្ទះរងគ្រោះឈ្មោះ សេក ចន្ថា ភេទ ស្រី អាយុ ៥៨ឆ្នាំ មុខរបរធ្វើស្រែ រស់នៅភូមិឃុំកើតហេតុខាងលើ។

សម្ភារខូចខាតរួមមាន៖
– ផ្ទះ១ខ្នង ទំហំ ៧x ១០​ ម៉ែត្រ សង់អំពីឈើ ដំបូលប្រក់ស័ង្កសី (ឆេះខ្ទេចទាំងស្រុក)
– គ្រែបេង ៥
– គ្រែក្រញូង ១
– ទូបេង១
– ទូដាក់ឯកសារ១
– ឆេះប្រាក់ដុល្លារចំនួន ១,៨០០$ (មួយពាន់ប្រាំរយដុល្លារ)
– ឆេះប្រាក់រៀលចំនួន ២០០,០០០៛ (ពីររយពាន់រៀល) ព្រមទាំងសម្ភារផ្ទះមួយចំនួនទៀត ប៉ុន្តែមិនបណ្ដាលឲ្យមានអ្នករងរបួសនោះទេ។

តាមសមត្ថកិច្ច បានឲ្យដឹងថា សរុបជាទឹកប្រាក់ខាតបង់អស់ ២៥,០០០ $ (ពីរម៉ឺនប្រាំពាន់ដុល្លារអាមេរិក) ហើយមូលនាំឲ្យមានអគ្គិភ័យនេះទ្បើង គឺបណ្ដាលឲ្យមកពីរឆ្លងចរន្តអគ្គិសនី។

ករណីនេះដែរ បានប្រើប្រាស់រថយន្តពន្លត់អគ្គិភ័យចំនួន ៣ គ្រឿង ដោយរលត់ជាស្ថាពរនៅវេលាម៉ោង ១១ និង៣០នាទីព្រឹក៕