Post News Media ព័ត៌មានជាតិ ភ័យមិនស្ទើរទេ...

ភ័យមិនស្ទើរទេ! រថយន្ដ​៥គ្រឿង មានទាំងក្រុមហ៊ុនរបស់ស្រាបៀរអង្គរ​ – រថយន្តក្រុង និងរថយន្តប្រភេទតូច ​បុកគ្នា​ជាបន្តបន្ទាប់លើផ្លូវជាតិលេខ​៤

កំពង់ស្ពឺ: នៅវេលាម៉ោង៣ និង៤០នាទី រសៀលថ្ងៃទី២៤​ ខែមេសា​ ឆ្នាំ២០១៨ មានករណីគ្រោះថ្នាក់ចរាចរណ៍មួយកើត​ឡើង នៅចំណុចផ្លូវជាតិលេខ​ ៤​ ចន្លោះ​គីឡូម៉ែត្រ​ ៨០~៨១ ត្រង់ចំណុចពាមទុង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

សមត្ថកិច្ចបានឲ្យដឹងថា គ្រោះថ្នាក់​ចរាចរណ៍ដែលបុក​បន្ដ​កន្ទុយគ្នានេះមាន៥គ្រឿង

ទី១ ម៉ាក គា (KIA) ពណ៌ផ្កាឈូក ពាក់ស្លាកលេខ ភ្នំពេញ 3D-9383 របស់ក្រុមហ៊ុន ស៊ុនលីហួត ដឹកអ្នកដំណើរ អ្នកបើកបរឈ្មោះ​ សុន អូន ភេទប្រុស អាយុ​២៩ឆ្នាំ រស់នៅភូមិស្តេច ឃុំចាម ស្រុកកំពង់ត្របែក ខេត្ត​ព្រៃវែង

ទី២ ម៉ាក ហានដាយ (តូរីស) ពណ៌ក្រហម ពាក់ស្លាកលេខ​ 2K​-7554 របស់ក្រុមហ៊ុន ស្រាបៀរអង្គរ អ្នក​បើកបរឈ្មោះហ៊ុយ សាក់លី ភេទប្រុស អាយុ ៣៥ឆ្នាំ រស់​នៅសង្កាត់១​ ខ.មិត្តភាព ក្រ.ព្រះសីហនុ ខ.ព្រះសីហនុ

ទី៣ ម៉ាក ហ៊ីយ៉ាន់ដាយ ពណ៌ស​ ពាក់ស្លាកលេខ ព្រះសីហនុ 3A-5829 សឺមីរឺម៉ក ពណ៌ខៀវ ពាក់ផ្លាកលេខ ភ្នំពេញ​ 4A-2648 អ្នកបើកបរ មិនស្គាល់ឈ្មោះ

ទី៤ ម៉ាកគា( KlA)​ ពណ៌ផ្កាឈូក ពាក់ស្លាកលេខ ​ភ្នំពេញ3D-9392 របស់ក្រុមហ៊ុនស៊ុន លីហួត ដឹកអ្នក​ដំណើរ អ្នកបើកបរឈ្មោះសុខា ភេទប្រុស​

ទី៥ ម៉ាក គា(KIA)​ ពណ៌ស លឿង ពាក់ស្លាក​លេខ ភ្នំពេញ 3D 7385 របស់ក្រុមហ៊ុន ស៊ុន លីហួត ដឹកអ្នកបើកបរឈ្មោះ បូ រ៉ា ភេទប្រុស។

រថយន្ដ​ទាំង​៥គ្រឿង​ បើកបរក្នុងទិសដៅស្របគ្នា មកដល់ចំណុចខាងលើ​ បានបុក​បន្តកន្ទុយគ្នាបណ្តាលឲ្យខូចខាត​ រថយន្តធំ​៤គ្រឿង​ ក្នុងនោះ ខូចខាតធ្ងន់១គ្រឿង ស្រាលនិង៣គ្រឿង ចំណែក១គ្រឿងទៀតជាប្រភេទរថយន្តតូច ខូចខាតធ្ងន់ តែគ្មាននរណាម្នាក់រងរបួសនោះទេ។

បច្ចុប្បន្នរថយន្តទាំង៥គ្រឿង ត្រូវបានសមត្ថកិច្ច យកមករក្សាទុកនៅ​ អធិ​កា​រ​ដ្ឋាន​ ​នគរបាល​ស្រុក​ភ្នំស្រួច​ បណ្ដោះអាសន្ន​ ដើម្បីដោះ​ស្រាយតាមនីតិវិធី៕