Post News Media ព័ត៌មានអន្តរជាតិ ឆេះ​អណ្តូងប្រ...

ឆេះ​អណ្តូងប្រេងខុសច្បាប់​នៅ​ឥណ្ឌូនេស៊ី សម្លាប់​មនុស្ស​១៥ ​នាក់​ និង​៤០​នាក់ទៀតរងរបួស​

​ឥណ្ឌូនេស៊ី: ក្រុម​អាជ្ញាធរ​ នៅ​ថ្ងៃ​ពុធនេះ ​បាន​និយាយ​ថា យ៉ាងហោចណាស់មនុស្ស ១៥នាក់បានស្លាប់បាត់បង់ជីវិត និង ៤០នាក់ទៀតបានរងរបួស ក្នុងករណីអគ្គិភ័យឆាបឆេះ ដ៏ខ្លាំងក្លាមួយនៅអណ្តូងប្រេងខុសច្បាប់របស់ប្រទេសឥណ្ឌូណេស៊ី។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៥ ខែមេសា ឆ្នាំ២០១៨។

អណ្តាតភ្លើង​បាន​ឆេះ​គ្របពីលើ​ផ្ទះ​ និង​ដើមឈើ​ជាច្រើន ខណ:​ដែល​ក្រុម​អ្នក​ពន្លត់​អគ្គិភ័យ បាន​បាញ់​ទឹក​ពន្លត់​ភ្លើង​នៅ​តំបន់​នោះ ។

អ្នកនាំពាក្យ​អង្គភាព​គ្រប់គ្រង​គ្រោះមហន្តរាយ​ឥណ្ឌូនេស៊ី ​លោក Sutopo Purwo Nugroho បាន​និយាយថា មកទល់ពេលនេះ យើង​កំពុង​ប្រមូល​ទិន្នន័យ​តួលេខ​ជង​រងគ្រោះ​ ដោយ​​សារ​ភ្លើង​ឆេះ​នេះ ខណ:ភ្នាក់ងារពន្លត់អគ្គិភ័យយើង នៅមិន​ទាន់​អាចគ្រប់គ្រោង​ស្ថានការណ៍បាននោះទេ​។​

តាមការបញ្ជាក់ពីប្រធាន​ប៉ូលិស​ខេត្ត បាន​ឲ្យដឹងថា អណ្តូប្រេង​នេះ ទំនង​ជា​ជីក​យក​ប្រេង​ខុសច្បាប់ ហើយ​អគ្គិភ័យបាន​កើតឡើង ដោយសារអាចមាន​នរណា​ម្នាក់ ​បានចោលកន្ទុយ​បារីជក់ហើយ​៕