Post News Media ព័ត៌មានជាតិ មានអ្នកណាបាត់...

មានអ្នកណាបាត់សាច់ញាតិទេ? ប្រទះឃើញសពបុរសម្នាក់អណ្តែតទឹក នៅឆ្នេរសុខា

ព្រះសីហនុ: មានការភ្ញាក់ផ្អើលមួយបានកើតឡើង ដោយមានការប្រទះឃើញសពបុរសម្នាក់ បានអណ្តែតក្នុងទឹកសមុទ្រ​ដោយគ្មានឯកសារសម្គាល់ពីអត្តសញ្ញាណនោះឡើយ។

ហេតុការណ៍នេះកើតឡើងនៅម៉ោង២និង២០នាទី រសៀលថ្ងៃទី២៧ ខែមេសា ឆ្នាំ២០១៨ ស្ថិតនៅឆ្នេរសុខា ក្រុមទី១៧ ភូមិ៤ សង្កាត់លេខ៤ ខេត្តព្រះសីហនុ។

សមត្ថកិច្ចបានបញ្ជាក់ថា សពជនរងគ្រោះនេះ គឺស្លាប់ដោយសារលង់ទឹកសមុទ្រ ហើយពេលនេះ​ត្រូវបានយកទៅតម្កល់ទុកនៅ មន្ទីរពេទ្យបង្អែកខេត្តព្រះសីហនុ ដើម្បីរកសាច់ញាតិ៕