ព្រះសីហនុៈ កាលពីវេលាម៉ោង ៦និង៤៥នាទីល្ងាចថ្ងៃទី២៥ ខែឧសភា ឆ្នាំ២០១៨ មានករណីគ្រោះថ្នាក់ចរាចរណ៍មួយ រវាងរថយន្តបុកនិងម៉ូតូ បណ្ដាលឲ្យរបួសធ្ងន់មនុស្ស ៣ នាក់ នៅលើផ្លូវជាតិលេខ៤ ចន្លោះគីឡូម៉ែត្រ ២១០-២១១ ស្ថិតនៅក្នុងភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ។
រថយន្តម៉ាក LEXUS RX 300 ពណ៌ស្ករ ពាក់ស្លាកលេខភ្នំពេញ2AR-1640 បើកបរដោយឈ្មោះ YI SAONG AON ភេទ ប្រុស អាយុ ៤៥ឆ្នាំ ជនជាតិ ចិន មុខរបរ កម្មករសំណង់ ស្នាក់នៅក្នុងភូមិអ៊ុង ឃុំរាម ស្រុកព្រៃនប់ ខេត្តព្រះសីហនុ (បញ្ជាក់អ្នកបើកបររថយន្ត ជនជាតិ ចិន គ្មានបណ្ណបើកបរទេ) មានទិសដៅពីភ្នំពេញ ឆ្ពោះមកខេត្តព្រះសីហនុ លុះដល់ចំណុចខាងលើ បានបុកពម៉ូតូពីក្រោយ១គ្រឿង ម៉ាក SUZUKI smash ពណ៌ខ្មៅ ពាក់ស្លាកលេខព្រះសីហនុ1D-0105 បើកបរដោយឈ្មោះ សោម ឃឿន ភេទប្រុស អាយុ៦០ឆ្នាំ មុខរបរ មន្ត្រីនគរបាលចូលនិវត្តន៍ (របួសបាក់ជើងស្ដាំធ្ងន់) និងរួមដំណើរជាមួយប្រពន្ធឈ្មោះ ឃួន លុនអាយុ៥៨ឆ្នាំ (របួសបាក់ជើងស្ដាំធ្ងន់) និងក្មេងប្រុស ឈ្មោះឃឿន ចាន់លាភ អាយុ៥ខែ (របួសធ្ងន់) ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។
ចំណែកវត្ថុតាងរថយន្ត និងម៉ូតូអ្នក រួមទាំងអ្នកបើកបររថយន្តជនជាតិចិន ត្រូវបានសមត្ថនាំខ្លួនមកកាន់ការិយាល័យនគរបាលចរាចរណ៍ផ្លូវគោក ដើម្បីបន្តនីតិវិធីចាត់ការតាមផ្លូវច្បាប់៕
មតិយោបល់