Post News Media ព័ត៌មានជាតិ ក្តឹបស្ទាវ ព្...

ក្តឹបស្ទាវ ព្រួតវាយទៅលើក្មេងប្រុសស្រីអាយុ១២ឆ្នាំ និង៦ឆ្នាំ ហើយគំរាមសម្លាប់ ត្រូវប៉ូលិសឃាត់ខ្លួនបាន៤នាក់!

ប៉ៃលិន: កាលពី​វេលា​ម៉ោង៨ និង១៥នាទីយប់​ ថ្ងៃទី២៦​ ខែឧសភា ឆ្នាំ២០១៨​ មានករណី​អំពើ​ហិង្សាមួយកើតឡើង​ ស្ថិតនៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ករណីនេះ ​បង្កឡើងដោយក្រុមជនបង្កមានគ្នា​ ៥នាក់​ ៖
១- ឈ្មោះ ម៉ក់ ករុណា ភេទប្រុស អាយុ​ ១៤ឆ្នាំ ជនដៃដល់​
២-ឈ្មោះ ពៅ ចំរុង ហៅ ឃ្លីន ភេទប្រុស អាយុ ១៦ឆ្នាំ រួម​គំនិត​
៣-ឈ្មោះ វែន សុចិន ភេទប្រុស​ អាយុ១៧ឆ្នាំ រួម​គំនិត​
៤-ឈ្មោះ ជឿន ម៉ាប់ ភេទប្រុស អាយុ១៦ឆ្នាំ រួម​គំនិត​
៥-ឈ្មោះ កែវ រក្សា ភេទស្រី បានរត់គេចខ្លួន អ្នក​ទាំង​៥រស់​នៅ​ភូមិ​ឃុំ​កើត​ហេតុ​ខាងលើ​។ តែក្រោយមកក៏ត្រូវសមត្ថកិច្ចឃាត់ខ្លួនបាន។

មុនពេលកើតហេតុជន​បង្កបាននាំគ្នាមកផ្ទះ ជនរងគ្រោះ និងវាយទៅលើឈ្មោះ​ សាន សុភ័ត្រា ចំឆ្អឹងជំនី​ហើយគំរាមថា​ និង​សម្លាប់បើសិនជនរងគ្រោះហ៊ាន​ប្រាប់ឪពុកម្តាយ និងរាយការណ៍ដល់សមត្ថកិច្ច។​

ជនរងគ្រោះមានគ្នា​២នាក់៖
១-ឈ្មោះ ភុន ស្រីតូច ភេទស្រី អាយុ ១២ឆ្នាំ
២-សាម សុភ័ត្រា ភេទប្រុស អាយុ៦ឆ្នាំ​ អ្នក​ទាំង​ពីរ ​នៅភូមិឃុំកើតហេតុខាងលើ ។

បច្ចុប្បន្នជនសង្ស័យទាំង​ ៤​នាក់​ត្រូវ​បានឃាត់ខ្លួនទុកនៅអធិការដ្ឋានស្រុកសាលាក្រៅ ដើម្បីកសាងសំណុំរឿងតាមនីតិវិធី​ច្បាប់បន្តទៀត៕