ភ្នំពេញ: បុរសម្នាក់ខ្វះការប្រុងប្រយ័ត្ន ខណ:កំពុងបើកម៉ូតូ តែឆ្លៀតដកទូរស័ព្ទយកមកចុច ទាំងមិនបានមើលទៅមុខ ក៏ជ្រុលចង្កូតទៅបុកខឿនចិញ្ចើមផ្លូវ ជិតភូមិគ្រឹះសម្ដេចនាយករដ្ឋមន្ត្រី បណ្តាលឲ្យបានបាក់ដៃឆ្វេង ២កំណាត់ សន្លប់ស្ដូកស្ដឹង ត្រូវប្រជាពលរដ្ឋដែលធ្វើដំណើរឆ្លងកាត់ នាំគ្នាចុះមកជួយសង្គ្រោះបឋមសិន។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១២ និង១០នាទីរំលងអធ្រាត្រឈានចូលថ្ងៃទី៥ ខែមិថុនា ឆ្នាំ២០១៨ ត្រង់ចំណុចជិតរង្វង់មូលវិមានឯករាជ្យ ក្បែរភូមិគ្រឹះសម្ដេចនាយករដ្ឋមន្ត្រី ផ្លូវព្រះនរោត្តម ស្ថិតក្នុងសង្កាត់ចតុមុខ ខណ្ឌដូនពេញ ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញបុរសមិនស្គាល់អត្តសញ្ញាណខាងលើ បានជិះម៉ូតូម៉ាក PCX ពណ៌ស ពាក់ស្លាកលេខភ្នំពេញ 1CF-4949 ធ្វើដំណើរពីត្បូងទៅជើង ក្នុងល្បឿនលឿនគួរសម លុះមកដល់ចំណុចកើតហេតុ ខណ:កំពុងបើកម៉ូតូ នៅឆ្លៀតដកទូរស័ព្ទយកមកចុច ទាំងមិនបានមើលទៅមុខ ទើបជ្រុលចង្កូតទៅបុកឃឿនចិញ្ចើមផ្លូវ បណ្តាលឲ្យម៉ូតូររងការខូចខាតបន្តិចបន្តួចប៉ុណ្ណោះ។
ក្រោយពេកើតហេតុកងកម្លាំងសមត្ថិច្ច ដែលប្រចាំការនៅគោលដៅ ជិតកន្លែងកើតហេតុ បានជួយលើកម៉ូតូរបស់ជនរងគ្រោះឡើង ហើយដោយសារតែមានសាច់ញាតិជនរងគ្រោះ បានមកដល់ ទើបសមត្ថកិច្ចអនុញ្ញាតឲ្យសាច់ញាតិ ជិះម៉ូតូដឹកជនរងគ្រោះយកទៅមន្ទីរពេទ្យជាមួយគ្នាតែម្ដង៕
មតិយោបល់