ប៉ៃលិន: កាលពីយប់ថ្ងៃទី៧ ខែមិថុនា ឆ្នាំ២០១៨ មានករណីអំពើហិង្សាមួយ ដោយបានធ្វើសកម្មភាពជាក្រុម យកដុំថ្មគប់ទៅលើជនរងគ្រោះ និងម៉ូតូ ដែលចតនៅលើចិញ្ចើមផ្លូវ បណ្តាយឲ្យខូចខាតម៉ូតូ នៅចំណុចភូមិកូនភ្នំ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
ក្រុមជនសង្ស័យឈ្មោះ វុធ ដេវីត ភេទប្រុស អាយុ ១៦ឆ្នាំ ជនជាតិខ្មែរ មុខរបរ សិស្ស រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន និងបក្ខពួកផ្សេងទៀត មិនស្គាល់អត្តសញ្ញាណ មានគ្នាប្រហែល១៦នាក់។
ជនរងគ្រោះទី១.ឈ្មោះ កែម ភារម្យ ភេទប្រុស អាយុ ១៨ឆ្នាំ ជាតិខ្មែរ មុខរបរ សិស្ស រស់នៅភូមិបុសស្អំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ពុំមានរបួសនោះទេ។ ចំណែកម៉ូតូ១គ្រឿង ម៉ាក Honda Dream C125 ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ប៉ៃលិន 1C-5579 ខូចខាតផ្នែកខាងមុខ។
ជនរងគ្រោះទី២.ឈ្មោះ ឆាង វុទ្ធី ភេទប្រុស អាយុ ១៩ឆ្នាំ មុខរបរ សិស្ស រស់នៅភូមិឃុំជាមួយគ្នា ពុំរងរបួសនោះទេ ខូចខាតម៉ូតូ ១គ្រឿងម៉ាក Honda Dream C125 ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ប៉ៃលិន 1C-2547 ខូចខាតផ្នែកខាងក្រោយ។
ក្រោយពេលធ្វើសកម្មភាពរួច ក្រុមជនសង្ស័យ បាននាំគ្នាជិះម៉ូតូរត់គេចខ្លួនបាត់អស់។ ចំណែកជនរងគ្រោះ បាននាំគ្នាមកដាក់ពាក្យបណ្តឹង នៅការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តប៉ៃលិន ដើម្បីចាត់ការតាមនីតិវិធីច្បាប់៕
មតិយោបល់